免費講座提升中小企服務質素
今時今日零售及服務業要提供高質素服務，先可以令顧客返轉頭。[img]http://hk.tradingauto.nextmedia.com/images/next-photos/EasyFinder/865/640pixfolder/Y865-069J/6348935.jpg[/img]
近年香港旅遊業暢旺，令到服務業水平不斷提升。服務好，生意先會好，為咗進一步提升中小企嘅服務質素，香港優質顧客服務協會聯同工業貿易署，喺8月底舉辦「優質服務，以心為本」研討會，呢個講座完全免費，講者包括優質品牌管理協會主席黃桂林博士、渣打銀行（香港）有限公司中小企業理財總監顧韻嬋女士同太古地產有限公司培訓及發展經理凌肇興先生，講解一下點樣令員工發揮優質服務態度，及令中小企理財服務點樣可以多元化。
好似黃桂林博士會教吓大家工作開心、服務稱心、顧客窩心嘅「三心」秘訣，會教吓員工點樣代入顧客嘅角度去提供服務；亦會教吓啲老闆點樣激勵員工士氣，令僱員維持工作最佳狀態，員工有heart 做嘢，先令到顧客賓至如歸，令到盤生意有生機，做成三贏局面。
發言人陳小姐同發錢韓講：「呢個講座歡迎中小企及從事服務業者參加，名額超過50位，不過就要上佢哋個網留位，先到先得。」有專家免費教路做好盤生意，各位中小企老闆同員工記住快啲上網登記啦！
「優質服務，以心為本」研討會
主辦機構：工業貿易署中小企業支援與諮詢中心（SUCCESS ）及香港優質顧客服務協會
時間：8月28日（星期四）2:30pm-5:30pm
地點：香港中央圖書館地下演講廳
查詢電話：34036111
網址：[url]http://www.success.tid.gov.hk[/url]
頁:
[1]
