Notebook for U
[b][/b]
[img]http://hk.ketchup.nextmedia.com/images/next-photos/ketchup/065/640pixfolder/K865-209J/002.jpg[/img]
唔理有冇實際需要，大學生冇部notebook 傍身，總係冇咁似樣。就快開學，掛住喺O camp 獵女同搬家入hall 嘅同時，都要快啲揀定部notebook 。話晒要做paper 之餘，更要玩MSN 同facebook 嘛！唔同U 仔U 女對notebook 嘅用途有唔同要求，揀機方向都有唔同，我哋就朝住外形靚、功能勁同價錢平呢3方面，為大家檢閱近排有乜新機，仲推介埋唔同U 嘅優惠筍機畀你，準備入手啦！
免費文章
港大生買Q210特價$6,130
Q210只係岩岩出，但Samsung 已即時為港大學生、校友同職員提供特價優惠，只要喺9月22日至26日期間去黃克競4樓平台買機，機價只需$6,130，是原價$8,480的7折，HKU 朋友睇中呢部機，記住忍手到過時先買。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/102.jpg[/img]
Design 先決Samsung Q210
揀notebook 除咗spec.勁，design 亦好重要，唔係點引到啲乜都要靚嘅潮童大學生先？於是Samsung 就將原本用於LCD TV 嘅Crystal design ，移植到最新notebook Q210上。呢個design 嘅精髓在於機身塗上鋼琴黑焗漆，再襯埋機邊嘅酒紅色調，望落醒神，唔似得行政人員用過啲大牛龜notebook 個樣咁鈍，喺同學仔面前扮型都易啲。除咗玩design ，Q210喺功能上都有賣點，佢率先採用嶄新嘅Centrino 2CPU 技術，運行速度比冇呢種技術嘅CPU 快得多，執行大型軟件夠晒爽，唔係得個樣。
好多notebook 廠想部機特別啲，就亂喺機背玩圖案，搞到鬼五馬六，Samsung 唔搞咁多嘢，只用簡簡單單鋼琴黑機背，simple is beautiful ！
呢條紅色漸變機邊就係Crystal design 嘅標記，由LCD TV 用到notebook ，Samsung 曾講過呢個靈感係來自紅酒。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/103.jpg[/img]
另一特點係keyboard 同手掌墊位都有silver nano 防菌塗層，能防止細菌同微生物滋生，大手汗嘅人都唔怕用到部機好多菌！
[img]http://hk.ketchup.nextmedia.com/images/next-photos/ketchup/065/640pixfolder/K865-209J/104.jpg[/img]
Q210機價唔算貴，但都附設高階嘅HDMI 輸出，返屋企煲DVD ，就可以靠佢駁LCD TV ，豪睇大畫面。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/105.jpg[/img]
Samsung 仲為Q210加入Magic Doctor 同Recovery Solution III 兩套自家製軟件，供用家輕易修復程式問題，同埋備份系統資料。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/screen1.jpg[/img]
Spec.
屏幕：12.1"
處理器：Intel Core 2Duo P73502.00GHz （Centrino 2）
記憶體：1GB
硬碟：160GB HDD
顯示咭：無
光碟機：Super Multi Dual Layer
無線：WiFi 、藍牙
體積：304×226×36.7mm
重量：1.95kg
售價：$8,480
查詢：Samsung （36984698）
[img]http://hk.ketchup.nextmedia.com/images/next-photos/ketchup/065/640pixfolder/K865-209J/109.jpg[/img]
其他靚機
型人象徵Apple MacBook Air
要潮有咩好得過用MacBook Air ，一拎上手出街唔使講嘢，已經表達到你嘅身份同品味，襯埋純白iPhone 3G ，殺晒！MacBook Air 最薄位只有4mm ，更係前無古人。
Spec.‧13.3"屏幕‧Intel Core 2Duo 1.6GHz ‧2GB RAM ‧80GB HDD ‧WiFi 、藍牙‧325×227×19.4mm ‧1.36kg
學生優惠價：$13,900（至9月16日）
查詢：Apple （800908988）
[img]http://hk.ketchup.nextmedia.com/images/next-photos/ketchup/065/640pixfolder/K865-209J/110.jpg[/img]
大開色戒Sony VGN-CR353
VAIO 系列向來係靚design notebook 代表，CR353除咗繼續採用招牌簡約設計，仲大玩顏色，同一款有齊閃金、純黑、焰紅、靛藍、純白同粉紅6隻色，想傳統有傳統，要特別有特別。
Spec.‧14.1"屏幕‧Intel Core 2Duo T81002.10GHz ‧2GB RAM ‧250GB HDD ‧ATI Mobility Radeon X2300128MB 顯示咭‧DVD ±RW DL ‧WiFi 、藍牙‧335.1×249×38.3mm ‧2.5kg
售價：$10,580
查詢：Sony （23452966）
[img]http://hk.ketchup.nextmedia.com/images/next-photos/ketchup/065/640pixfolder/K865-209J/9127.jpg[/img]
大學生實評Q210
社會科學系Year 2Model Allie ：鍾意佢型仔
「而家我同細佬想一人一機，所以要買多1部notebook 。至於揀notebook 我都以外形行先，自己用緊全白色notebook ，但見到Samsung Q210一身黑色機身再加上漸變酒紅色機邊，覺得好型好靚。而且按鍵回彈力好，感覺舒服，不過機面好容易黏到手指模同塵，加上機身不設扣位，攜帶時容易唔覺意打開機蓋，用時要小心啲。」
[img]http://hk.ketchup.nextmedia.com/images/next-photos/ketchup/065/640pixfolder/K865-209J/108.jpg[/img]
科學系Year 2Kossie ：薄啲再好
「用慣好薄嘅notebook ，令我對薄notebook 情有獨鍾。Q210黑色令身機殼望落去好靚，不過感覺唔算好薄。而且喺keyboard 側擺喇叭，令keyboard 唔夠寬廣，手感只屬尚可，另外芒側邊取位唔夠盡，屏幕感覺唔夠大。但$8,000多的價錢對學生來說可以接受，揀notebook 的其他條件會是機身唔易發熱，呢方面就要再仔細玩先可以評論。」
[img]http://hk.ketchup.nextmedia.com/images/next-photos/ketchup/065/640pixfolder/K865-209J/301.jpg[/img]
打機加Blu-ray Sony VGN-FW16G
申請到有hall 住嘅學生，梗係當正hall 係屋企，佢哋就需要spec.勁、芒大兼足以取代desktop 嘅notebook 啦！Sony 部VGN-FW16G 就最岩佢哋，佢唔只有16.4吋大芒，更具備256MB 獨立顯示咭，唔似保火碟大部分notebook 要靠onboard 弱雞顯示晶片嚟處理圖像，就算玩勁高要求嘅FPS game 都唔怕窒窒吓。更勁係佢仲有埋Blu-ray Disc Combo ，燒到普通DVD 之餘，仲播到Blu-ray ，唔打機用嚟煲碟都勁正！難得佢規格咁勁都唔使$15,000，申請唔到full grant loan 都買得起！
FW16G 機背只得招牌嘅VAIO logo ，繼續採用簡簡單單設計，再次證明design notebook 真係唔使搞咁多花臣。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/302.jpg[/img]
度吓個芒，16:9之餘，仲比你手上本《Ketchup 》大咁多，可以想像嗱嚟打機睇戲係幾咁正！
[img]http://hk.ketchup.nextmedia.com/images/next-photos/ketchup/065/640pixfolder/K865-209J/303.jpg[/img]
呢部機擺明走多媒體路線，喺芒底下設有一大排喇叭，音量夠勁！上面仲有負責控制播歌、播片嘅按鈕，一按即play 。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/304.jpg[/img]
既然可以播Blu-ray ，HDMI 就倍加重要，用嚟接駁屋企超大LCD TV 睇戲，咁先可以享受到Blu-ray 嘅最高質素。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/305.jpg[/img]
FW16G 本身個芒嘅質素都唔差，用嚟試播Blu-ray ，陽光同背光人樣嘅對比好分明，畫面細緻到連小丑塊面啲毛孔都好清楚。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/screen2.jpg[/img]
Spec.
屏幕：16.4"
處理器：Intel Core 2Duo P86002.40GHz
記憶體：2GB
硬碟：250GB HDD
顯示咭：ATI Mobility Radeon HD 3470256MB
光碟機：Blu-ray Disc Combo
無線：WiFi 、藍牙
體積：384×261×37mm
重量：3kg
售價：$14,980
查詢：Sony （23452966）
[img]http://hk.ketchup.nextmedia.com/images/next-photos/ketchup/065/640pixfolder/K865-209J/307.jpg[/img]
大學生實評VGN-FW16G
BBA Year 2Jobee ：唔算貴
「呢部家用notebook 有靚芒睇片，而且設計本身都好靚，打字時好有desktopkeyboard 的質感，好舒服！而且spec.方面都非常齊備，就算索價萬四都唔算好貴呀，因為成家人都用得到嘛！」
[img]http://hk.ketchup.nextmedia.com/images/next-photos/ketchup/065/640pixfolder/K865-209J/308.jpg[/img]
BBA Year 2Yoga ：打字舒服
「佢係我用開部notebook 嘅一倍價錢，對我來說真係幾貴。雖然佢好重手，但係keyboard 好好用，鍵與鍵之間空位充足，打字時手指唔會[img]http://hk.apple.nextmedia.com/new_hkfont/16px/black/C8C4.gif[/img]，好驚喜！功能方面佢都完全滿足到我上網、打機同聽歌要求，但係價錢上要再斟酌吓。」
[img]http://hk.ketchup.nextmedia.com/images/next-photos/ketchup/065/640pixfolder/K865-209J/309.jpg[/img]
其他勁機
豪華巨芒LG S900
LG S900個芒大到有成19吋，拍得住好多人屋企desktop 個芒，再加上256MB NVIDIA GeForce 顯示咭，用嚟駁高清手指睇數碼廣播都勁流暢。再加埋500GB 硬碟，機價照樣唔過$15,000，抵用！
Spec.‧19"屏幕‧Intel Core 2Duo T93002.5GHz ‧2GB RAM ‧500GB HDD ‧NVIDIA GeForce Go 8600M GT 256MB 顯示咭‧Super Multi Dual Layer ‧WiFi、藍牙‧368×265×43.5mm ‧2.97kg
售價：$14,980
查詢：King's （25635282）
[img]http://hk.ketchup.nextmedia.com/images/next-photos/ketchup/065/640pixfolder/K865-209J/310.jpg[/img]
超強顯示Fujitsu LifeBook A6210
A6210嘅顯示系統特別強，皆因佢張獨立顯示咭本身已有128MB 記憶體，加上可由RAM 分享記憶體，合共最高能達895MB ，比大部分notebook 都多，處理幾複雜嘅圖像都難佢唔到，用嚟行3D 軟件畫公仔都夠！
Spec.‧15.4"屏幕‧Intel Core 2Duo P84002.26GHz （Centrino 2）‧2GB RAM ‧250GB HDD ‧ATI Mobility Radeon HD 3470895MB 顯示咭‧Super Multi DualLayer ‧WiFi 、藍牙‧447×318.5×66.8mm ‧5.9kg
售價：$16,800
查詢：Fujitsu （31012898）
各大學至筍Notebook 優惠Part 1
如果你數口好過精算系學生，咁你實會買你間U 提供畀你嘅優惠筍機，因為出面特價點都唔夠大學平，只要唔介意冇咁齊款就ok ！怕你要開學會、做part-time 太忙，就等我哋喺幾間已公布優惠嘅U 入面，精選最正筍機畀你跟住買啦！
73折
[img]http://hk.ketchup.nextmedia.com/images/next-photos/ketchup/065/640pixfolder/K865-209J/512.jpg[/img]
香港浸會大學Lenovo IdeaPad Y530a
Spec.‧15.4”屏幕‧Intel Core 2Duo P86002.4GHz ‧2GB RAM ‧320GB HDD ‧Nvidia GeForce GS 9500M 512MB ‧WiFi 、藍牙‧362×260×36.2mm ‧2.9kg
原價：$12,928特價：$9,348
54折
[img]http://hk.ketchup.nextmedia.com/images/next-photos/ketchup/065/640pixfolder/K865-209J/511.jpg[/img]
香港理工大學Fujitsu LifeBook S6520U
Spec.‧14.1”屏幕‧Intel Core 2Duo P86002.4GHz ‧2GB RAM ‧250GB HDD ‧Super Multi DL ‧WiFi 、藍牙‧316×235×34mm ‧1.7kg
原價：$18,800特價：$9,980
[img]http://hk.ketchup.nextmedia.com/images/next-photos/ketchup/065/640pixfolder/K865-209J/501.jpg[/img]
苦學平機MSI Wind Notebook U100
對於要畀晒成份grant loan 細佬妹交學費，又要自己做兼職嘅苦學生來說，我哋除咗表示同情外，仲可以介紹部平機畀你，等閣下都有部手提電腦用，面對未來3年苦讀日子。好在近期興起嘅netbook ，體型又輕又細之餘，價錢亦非常平，最岩呢班慳家仔用。MSI 最近推出嘅U100就係其中之一，有10吋芒，但仍可keep 住細小身形，而Intel Atom CPU 、2GB RAM 同80GB HDD 都夠晒上網同做paper 用。最重要部機只賣$4,499，努力做吓part time ，應該夠錢買。
體形的骰、機背光滑，有少少玩具feel 。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/502.jpg[/img]
部機有幾細？又用《Ketchup 》對照一下，細過本書少少啦！袋住四圍上堂都好方便。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/503.jpg[/img]
有啲notebook 為求機身細，就縮到啲按鍵丁屎咁大！手指粗啲都打唔到字，好彩U100冇呢個問題，男人手指篤落去都遊刃有餘。
[img]http://hk.ketchup.nextmedia.com/images/next-photos/ketchup/065/640pixfolder/K865-209J/504.jpg[/img]
Spec.
屏幕：10"
處理器：Intel Atom
記憶體：2GB
硬碟：80GB HDD
顯示咭：無
光碟機：無
無線：WiFi 、藍牙
體積：260×180×31.5mm
重量：1kg
售價：$4,499
查詢：SCHOT （25906808）
[img]http://hk.ketchup.nextmedia.com/images/next-photos/ketchup/065/640pixfolder/K865-209J/505.jpg[/img]
大學生實評U100
牙醫系Year 5Alice ：攜帶輕便
「自己用緊14吋大的notebook ，唔會帶出街。試過MSI 之後，先知notebook 都可以咁輕身，由於主要做paper work 多，功能上不需很高要求，加上$5,000唔使的價錢同不錯外形，我會考慮買。」
[img]http://hk.ketchup.nextmedia.com/images/next-photos/ketchup/065/640pixfolder/K865-209J/506.jpg[/img]
牙醫系Year 4River ：Hardisk 大啲會更好
「我對娛樂方面有啲要求，希望可以有DVD-ROM 用來睇片同至少120GB 硬碟儲存記憶，MSI 無疑係身形細，但係手感仍然有點墜手。如果將會連呢類細機都有DVD-ROM 的話我應該會買一部作流動用途。」
[img]http://hk.ketchup.nextmedia.com/images/next-photos/ketchup/065/640pixfolder/K865-209J/507.jpg[/img]
其他平機
輕觸轉芒Gigabyte M912
Gigabyte M912直頭係netbook 同tablet 嘅踩界之作，因為佢有一般netbook 嘅用料規格，但個8.9吋屏幕唔單只能作180度反轉再闔埋，更有埋touch screen 功能，畀你喺芒上任篤同寫字，更便於操控。
Spec.‧8.9"輕觸屏幕‧Intel Atom ‧1GB RAM ‧160GB HDD ‧WiFi 、藍牙‧235×180×42mm ‧1.3kg
售價：$4,980
查詢：鐳射（27832999）
[img]http://hk.ketchup.nextmedia.com/images/next-photos/ketchup/065/640pixfolder/K865-209J/508.jpg[/img]
節約電源Asus Eee PC 1000H
而家最紅netbook 始終係帶起潮流嘅Asus Eee PC 系列，最update 型號就係1000H 。呢部機除咗CPU 速度同HDD 容量比上代有改進外，仲特別加入慳電設計，一般netbook 每次頂多用4個鐘，佢就可以用7個鐘以上，實用性大增。
Spec.‧10"屏幕‧Intel Atom ‧1GB RAM ‧80GB HDD ‧WiFi 、藍牙‧269×193×44mm ‧1.45kg
售價：$4,788
查詢：Asus （35824770）
65折
[img]http://hk.ketchup.nextmedia.com/images/next-photos/ketchup/065/640pixfolder/K865-209J/509.jpg[/img]
各大學至筍Notebook 優惠Part 2
香港大學Fujitsu LifeBook U2010
Spec.‧5.6"屏幕‧Intel Centrino Atom 1.6GHz ‧1GB RAM ．60GB HDD ‧WiFi 、藍牙‧171×135×33mm ‧610g
原價：$10,800特價：$7,060
66折
[img]http://hk.ketchup.nextmedia.com/images/next-photos/ketchup/065/640pixfolder/K865-209J/510.jpg[/img]
香港科技大學HP Compaq 6730s
Spec.‧15.4"屏幕‧Intel Core 2Duo P84002.26GHz ‧4GB RAM ‧250GB HDD ‧DVD ±RW DL ‧WiFi ‧358×266.8×32.3mm ‧2.49kg
原價：$10,229特價：$6,786
[img]http://hk.ketchup.nextmedia.com/images/next-photos/ketchup/065/640pixfolder/K865-209J/513.jpg[/img]
係學生就有著數Apple
學生買Apple 產品一向都有學生特價，而且Apple 每年都會推出back to school 優惠。今年除咗去香港Apple Store 買MacBook 有特價外，仲會送埋$2,400嘅iPod touch 畀你，優惠期至9月16日。
Samsung Q210
http://appledaily.atnext.com/admedia/20080819/samsung.flv [img]http://ketchup.atnext.com/images/next-photos/ketchup/065/640pixfolder/K865-209J/509.jpg[/img]
fujitsu這部真係唔多ok.....
不過hku無sony offer架wor...應該係話無u有sony offer
頁:
[1]
