動漫節日賣8000張 逆鬥戰魂咭
[img]http://hk.ketchup.nextmedia.com/images/next-photos/ketchup/064/640pixfolder/K864-069N/00.jpg[/img]小丑喺最後決戰時同蝙蝠俠講：「一早預咗最後皇牌，同你慢慢玩。」咁即係乜牌咁巴閉？可能係漫畫節日賣8,000張嘅「逆鬥戰魂咭」，絕對係奇蹟！
廿皮一包（2張咭）嘅膠閃咭，原來咭背有條code ，可以喺online 格鬥game 《Grand Chase Season 2》入面抽中虛擬寶物，平平哋有隱藏道具玩，合乎小丑慳家殺人哲學。但我最想要Batman 部聲納手機喎！有冇機會抽中先？
名稱DALA ：《Grand Chase Season 2》
機種：PC
類型：ACT
售價：免費
查詢：Gamaina （21698777）
成盒買仲so ，因為盒蓋底額外印多件道具code ，你當垃圾掉咗我就笑。$300盒/ 15包咭
[img]http://hk.ketchup.nextmedia.com/images/next-photos/ketchup/064/640pixfolder/K864-069N/10.jpg[/img]
咭面正常係有個code ，用個大銀刮吓就見，但Gamania 唔想益我，畀我呢張係冇料到嘅。
[img]http://hk.ketchup.nextmedia.com/images/next-photos/ketchup/064/640pixfolder/K864-069N/13.jpg[/img]
[img]http://hk.ketchup.nextmedia.com/images/next-photos/ketchup/064/640pixfolder/K864-069N/11.jpg[/img]
不勞而獲
點解咁多人買呢？原來平時打呢隻game ，啲寶物係要一路打、一路儲點數，睇「科林」友講，遊戲入面玩到好辛苦至可以得到嘅道具如「月兔套裝」等，之前喺動漫節期間直接買「逆鬥戰魂咭」就有機會用錢抽中，所謂錢解決到嘅問題就唔係問題，日賣8,000張就係咁解。而Gamania 見反應超乎理想，考慮喺動漫之後再出，唔排除有新裝備添，到時肯定又有炒風。
[img]http://hk.ketchup.nextmedia.com/images/next-photos/ketchup/064/640pixfolder/K864-069N/12.jpg[/img]
有網友讚啲咭設計OK ，而且仲係膠咭唔係爛鬼紙片。覺得班細路被人屈水？大叔你細個咪又係抽萬變咭！散買$20包/ 2張咭
上拍賣網見到啲「2轉武」、「3轉武」，一件可以賣幾十蚊，原來只要得到呢啲轉職武器，人物就可以得到新能力。
[img]http://hk.ketchup.nextmedia.com/images/next-photos/ketchup/064/640pixfolder/K864-069N/07.jpg[/img]
3D 人物配2D 背景，唔使用幾千銀張GeForce card 到打得好順。
[img]http://hk.ketchup.nextmedia.com/images/next-photos/ketchup/064/640pixfolder/K864-069N/05.jpg[/img]
仲有啲mini game 畀你解悶，玩法似《街霸II 》打木桶，好old skool 。
[img]http://hk.ketchup.nextmedia.com/images/next-photos/ketchup/064/640pixfolder/K864-069N/09.jpg[/img]
Grand Chase 一共有7個角色，各有特殊打法同能力，最新出嘅小莉二轉幻奏師，其會場限定版，又係半日賣晒。
[img]http://hk.ketchup.nextmedia.com/images/next-photos/ketchup/064/640pixfolder/K864-069N/ADD02.jpg[/img]
[img]http://hk.ketchup.nextmedia.com/images/next-photos/ketchup/064/640pixfolder/K864-069N/ADD_copy.jpg[/img]
拳王＋吞食天地
冇錢買咭都唔緊要，冇道具一樣免費玩到。《Grand Chase 》的玩法平易近人，係一隻3D 橫向格鬥game ，操作好簡單，唔會有「瞬獄殺」一類超難必殺技，用keyboard 都玩到。
除咗最基本嘅1對1/ 多人格鬥對戰，仲可以幾個玩家合作打《雙截龍》式橫向動作遊戲，一邊打卒仔、打波士去儲錢、升Lv.。佢啲招式同武器都好有RPG feel ，公仔亦都靚，係一款好易入手嘅online 遊戲。
[img]http://hk.ketchup.nextmedia.com/images/next-photos/ketchup/064/640pixfolder/K864-069N/01.jpg[/img]
[img]http://hk.ketchup.nextmedia.com/images/next-photos/ketchup/064/640pixfolder/K864-069N/02.jpg[/img]
[img]http://hk.ketchup.nextmedia.com/images/next-photos/ketchup/064/640pixfolder/K864-069N/03.jpg[/img]
[img]http://hk.ketchup.nextmedia.com/images/next-photos/ketchup/064/640pixfolder/K864-069N/04.jpg[/img]
著上六翼天使裝備，似足Batman 使大錢改威裝備。
[img]http://hk.ketchup.nextmedia.com/images/next-photos/ketchup/064/640pixfolder/K864-069N/ADD01.jpg[/img]
網上勁炒貴5倍
早前動漫節期間就限定咗一種叫「黑暗六翼天使裝備」嘅items ，又有翼又有飾物，要4件道具先為之齊晒。我睇睇吓，抽中原來都只係畀你用60日，咁狼？點知上到討論區啲交易版，一樣有大量買家問價，$10抽返來可以賣到$50，而家啲後生機迷，第時大個可以改行炒股票。
[img]http://hk.ketchup.nextmedia.com/images/next-photos/ketchup/064/640pixfolder/K864-069N/15.jpg[/img]
有關GC 的拍賣都幾多，聽資深玩家「果Jam 」講，呢隻game 勝在平有平玩，唔使投資好多錢，所以一向多人玩，呢排因為套戰魂咭又引番唔少人留意呢隻game ，一日最炒有30個新post 。
頁:
[1]
