肥仔明打乒乓「蝦細路」大勝
近期奧運 熱，九龍東民主黨 候選人李華明 噚日搞咗個乒乓球賽，自誇球技不俗嘅肥仔明趁今日奧運乒乓球賽開始，搞球賽為香港「孖寶」打氣之餘，亦藉機一展球技。球賽分「少年組」、「青年組」及「師奶組」，肥仔明伙拍競選拍檔黃啟明參加年紀最輕嘅「少年組」，同小朋友切磋。佢哋不避「大蝦細」之嫌，最後以11對4大比數勝出。胡志偉錄四語聲帶拉票
賽後，肥仔明又同Emily細訴自己打波嘅歷程，話自己小學時已開始打乒乓，時至今日仍不時去馬會會所打波，波友仲包括前民政事務總署 副署長周耀南，得閒會約出嚟切磋下。問及邊個球技較好，他不忘「認叻」話自己贏多於輸！
九龍東另一民主黨參選團隊胡志偉，就花心思錄製四種語言嘅嗌咪聲帶，包括粵語、英語、普通話同家鄉潮州話。Emily聽過段聲帶，以粵語為主，但當中有30多秒潮州話宣傳。志偉本身係廣東潮安人，略懂潮洲話，今次聲帶發音經過專家、即佢爸爸驗證及格。
九龍東其他候選人包括公民黨 梁家傑 、民建聯 陳鑑林 、工聯會 黃國健及社民連陶君行 。
[img]http://hk.l.yimg.com/ls.hk.yimg.com/p/news/mingpao/20080813/14a3vhd01fb5hg-i1.jpg[/img]
頁:
[1]
