華麗緣Della Kwok
嬌小玲瓏的Della 多揀one piece 返工見客，但即使正經八百，仍不脫一臉稚氣。[img]http://hk.me.nextmedia.com/images/next-photos/Me/086/640pixfolder/ME086_002J/_MG_3630.jpg[/img]
身為女人，最幸福莫過於日日對住自己個衣櫃放滿靚衫靚鞋，正如Dior Beauty 公關經理Della Kwok ，細細個已認識Dior 這名字兼做埋粉絲，大個女之後直情投身其中亦因利成便試盡品牌最新美容產品，而家中Dior 衣飾更睇到我羨慕不已。
返工都可以貴婦look 示人，難怪Della 都忍唔住話：「覺得自己好幸福！」
小學時期的Della 已經著platforms ，好潮。
[img]http://hk.me.nextmedia.com/images/next-photos/Me/086/640pixfolder/ME086_002J/scan01031.jpg[/img]
家中數十對高踭鞋，「大部份都唔捨得著。」
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3732.jpg[/img]
數年前趁連卡佛減價，Della 以唔使2千蚊買了呢對Ren Caovilla ，立即諗「結婚著岩晒」，儲咗幾年，後來終於成為其「嫁妝」。
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3750.jpg[/img]
最珍而重之的Alexandra Neel 涼鞋，「$3,800唔算太貴，但啲羽毛實在太易爛，所以到依家都唔敢著。」
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3747.jpg[/img]
十年前於西武買的飾物，要保存得宜，需隔數月用布清潔一次，「收藏得唔好，不如唔好儲」正是Della 的儲物哲學。
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3695.jpg[/img]
最愛Dior 飾物夠高貴，近日常戴流蘇金屬耳環，「襯晚裝或casual wear 都冇問題。」
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3678.jpg[/img]
熟口熟面的「Dior 」飾物，原來是Della 的DIY 作品，「01年岩岩入行，一件飾物都冇，又趕住出function ，惟有去渣甸坊買啲星星鏈、絲帶自己整。Dior 方扣是從公司贈品上拆出來的。」
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3704.jpg[/img]
爸爸送給Della 的Valentino 飾物，產於70年代，罕有之處是鏈上的舊logo ，絕版嚟㗎！
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3690.jpg[/img]
幼承庭訓
扮靚觸覺，除了天份，少不得後天培養，啟發Della 的人，就是其一對貪靚父母。「媽咪會幫我設計衣物，我幾歲已經著platforms ，雖然同其他小朋友嘅打扮有啲唔同，但我又唔會覺得自己怪，反而受佢影響，對時裝愈來愈有興趣。
「爸爸係啟發我扮靚嘅人，佢對儀容要求好高，成日袋住把梳，細個時，成日行行吓街幫我梳頭。」除了「身教」，Della 父母更將不少珍藏送予愛女，vintage 手袋、飾物，令Della 養成儲物嘅習慣，「我唔一定買名牌，最鍾意掃飾物，可遇不可求，岩款就會立刻買；好似十年前西武減價，我買咗一套金飾，一直冇用過，直到上個月，突然心血來潮，至搵到一套衫可以配襯到。」小至飾物大至大褸，儲物是Della 興趣之一。所以，當日見其在家中翻箱倒篋，有幾壯觀可想而知。
媽媽送給她的vintage 手袋，最珍貴是80年代初期推出的棗紅色monogram 鏈帶肩袋。
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3774.jpg[/img]
歷年Dior 出品的化妝袋，連01年第一代馬鞍形Fres Dior Pouch 都有（右一），羨慕！
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3849.jpg[/img]
最愛紫色衣物，最能穿出高貴感覺，娃娃裙購自鰂魚涌boutique ，不過數百元，卻是Della 至愛。
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3784.jpg[/img]
紫色Dior 雪紡裙，是出席公關活動的「制服」。
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3792.jpg[/img]
LV 針織top ，最岩返工。
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3798.jpg[/img]
每到法國必買Urban Decay 的Body Powder 。
[img]http://hk.me.nextmedia.com/images/next-photos/Me/086/640pixfolder/ME086_002J/IMG_3376.jpg[/img]
近日必用的護膚品Dior L'Or de Vie 系列，並非賣花讚花香，此系列有Della 最愛葡萄酒Chateau d'Yquem 的成份，據講有助美容，圖中呢支盛惠2千蚊。
[img]http://hk.me.nextmedia.com/images/next-photos/Me/086/640pixfolder/ME086_002J/_MG_3815.jpg[/img]
頁:
[1]
