返學放假隨時轉 Sony VGN-SR15G/P
[b][/b]
[img]http://hk.ketchup.nextmedia.com/images/next-photos/ketchup/063/640pixfolder/K863-158N/p01.jpg[/img]
睇新聞話啲教科書用嘅紙同顏色隨時靚過我哋《Ketchup 》，令到書價年年加，學生哥叫苦連天！好在相比之下，電腦就冇坐地起價，新學期換新機抵玩得多，好似Sony 就趁住開學前推出新VAIO 系列notebook 。其中部SR15輕便之餘，功能亦唔錯，最正係有3色任揀，同新增嘅Switch 功能方便隨時轉部機去做唔同用途，不論搵資料、做功課，定趁暑假打多兩鋪機都一Switch 即用，快過換校服。
[img]http://hk.ketchup.nextmedia.com/images/next-photos/ketchup/063/640pixfolder/K863-158N/p02.jpg[/img]
一Switch 即變
筆者以前讀中學，放學去玩要換出街衫，其實用notebook 都一樣，返學可能要用佢做present ，放學最好快快手上網打機！所以，呢部VGN-SR15G/P 就有個Switch功能，可以畀你預設三個唔同環境嘅模式，想上網定睇戲，只要直接㩒keyboard 頂個「Mode 」掣就即change 。而每個模式入面，又有5個快速鍵畀你任set 功能同software ，方便你將同類軟件、功能歸納埋一齊，一按即用。
例如你可以預設personal 模式方便睇戲之用，先set 五粒快捷鍵做play 、fastforward 等睇片功能，以後一放學搭地鐵，就可以第一時間煲戲勁方便。要上網搵料嘛？又可以set 個Entertainment 模式，一次過將IE 、MSN ，甚至翻譯等software 放埋一齊，以後唔使再慢慢搵program ，去圖書館用免費WiFi 都快手得多。筆者試玩，發現部機效能唔弱，行Vista 同其他應用軟件都冇乜問題，用Switch 功能亦好順暢。做完功課想打機，更有獨立display 咭，學習娛樂同樣兼顧，率先換機阿媽都冇投訴。
Spec.
屏幕：13.3"（1,280×800像素）
處理器：Intel Core 2P84002.26GHz
晶片：Mobile Intel GM45
作業系統：Windows Vista Business
記憶體：1GB DDR2SDRAM （可升級至4GB ）
硬碟：200GB
顯示咭：Mobile Intel Graphics Media Accelerator 4500MHD
體積：315×34×233.8mm
重量：1.88kg
售價：$9,980
查詢：Sony （23452966）
[img]http://hk.ketchup.nextmedia.com/images/next-photos/ketchup/063/640pixfolder/K863-158N/add1.jpg[/img]
Switch 即玩
一㩒keyboard 頂個setting 掣，就會彈出Switch 介面，任你設定Entertainment 、Personal 等模式。仲可以變埋wallpaper 等你體驗唔同感覺，返學正經啲，放學就潮啲。
[img]http://hk.ketchup.nextmedia.com/images/next-photos/ketchup/063/640pixfolder/K863-158N/add2.jpg[/img]
最正係佢可以畀你set 埋5個shortkey 功能，只要將程式集個icon 直接拉落desktop 下面5個空格，就完成設定，以後一按就開勁方便！
[img]http://hk.ketchup.nextmedia.com/images/next-photos/ketchup/063/640pixfolder/K863-158N/add3.jpg[/img]
放假去玩梗係開定個Entertainment mode ，一開機即玩web cam 同friend 傾偈之餘，更可以聽埋歌，唔使見到Office 勾起做paper 嘅回憶。
[img]http://hk.ketchup.nextmedia.com/images/next-photos/ketchup/063/640pixfolder/K863-158N/add4.jpg[/img]
想睇戲就再變Personal mode ，功能鍵一次過變晒睇片控制key ，要播要停一按就得，連mouse 都唔使。
機身設計夠晒靚，除粉紅色外，更有黑、銀兩色選擇，男女學生，通殺！
[img]http://hk.ketchup.nextmedia.com/images/next-photos/ketchup/063/640pixfolder/K863-158N/edit6.jpg[/img]
[img]http://hk.ketchup.nextmedia.com/images/next-photos/ketchup/063/640pixfolder/K863-158N/edit7.jpg[/img]
5個快捷鍵設喺keyboard 頂，開啟各種功能都唔使慢慢搵，勁方便！
[img]http://hk.ketchup.nextmedia.com/images/next-photos/ketchup/063/640pixfolder/K863-158N/p03.jpg[/img]
機前特別設有WiFi 開關掣，去到公共圖書館想上網一開就得。
[img]http://hk.ketchup.nextmedia.com/images/next-photos/ketchup/063/640pixfolder/K863-158N/p08.jpg[/img]
Details check
[img]http://hk.ketchup.nextmedia.com/images/next-photos/ketchup/063/640pixfolder/K863-158N/p11.jpg[/img]
話晒都係走行政路線，BZ15當然要加番個指紋辨識系統，以保護各種資料啦！
[img]http://hk.ketchup.nextmedia.com/images/next-photos/ketchup/063/640pixfolder/K863-158N/p13.jpg[/img]
除咗兩個USB ，更有埋高速傳送嘅IEEE 1394插槽，駁DV 玩multimedia 都冇問題。
[img]http://hk.ketchup.nextmedia.com/images/next-photos/ketchup/063/640pixfolder/K863-158N/p10.jpg[/img]
同場加映 阿爸都換機
老豆幫仔女換完機都心郁？咁就可以換部效能高啲嘅VGN-BZ15GN ，個spec.表面上雖然同SR15差唔多，但個屏幕就增至15吋，而預設記憶體更由1GB 增至2GB ，處理公務時更有效率之餘，開excel 定睇股價都舒服得多。
Spec.
屏幕：15.4"（1,280×800）
處理器：Intel Core 2P84002.26GHz
晶片：Mobile Intel GN45
作業系統：Windows Vista Business
記憶體：2GB DDR2SDRAM
硬碟：200GB
顯示咭：Mobile Intel Graphics Media
Accelerator 4500MHD
體積：362.4×29.8-37.7×266.8mm
重量：2.7kg
售價：$10,980
頁:
[1]
