半張A4細細Notebook 指筆任篤
[img]http://static.apple.nextmedia.com/images/apple-photos/apple_sub/20080811/large/11fu01p_new.jpg[/img]你篤我又篤！自從iPhone 引發篤篤熱，已經感染至其他電腦產品，富士通最新推UMPC ──LifeBook U2010都加入篤界，除咗用跟機Stylus ，更可直接用手指篤！咪以為佢只得5.6"芒，細細部就睇小佢，U2010功能實在齊全，完全可以當部筆記簿電腦使用，加埋610g ，用得更係輕鬆。
記者：許福合
攝影：楊錦文
Model ：Shanna
[img]http://static.apple.nextmedia.com/images/apple-photos/apple_sub/20080811/large/11fu04pnew.jpg[/img]
610g 羽量級
近排Notebook 仔橫行，由潮人到上班族，人人隨街上網又開工，比拎住部十幾吋Notebook 自然輕鬆得多。富士通U2010走型格輕盈路線，提供香檳金、玫瑰紅兩種顏色機身，用上5.6"輕觸式闊屏，合上機身只有半張A4紙咁大，女士們要放落手袋都無問題，再加機身只有610g ，拎住行街都唔辛苦！當行街行到悶，仲可以隨街Wi-Fi 上網，130萬鏡頭玩視像Chat ，爽爆！
■用上5.6吋芒，機身做得相當迷你。
[img]http://static.apple.nextmedia.com/images/apple-photos/apple_sub/20080811/large/11fu17p.jpg[/img]
■130萬像素鏡頭隨時玩Video Chat 。
[img]http://static.apple.nextmedia.com/images/apple-photos/apple_sub/20080811/large/11fu12p.jpg[/img]
■屏幕可180度反轉變Tablet PC ，並直接在屏幕寫字。
[img]http://static.apple.nextmedia.com/images/apple-photos/apple_sub/20080811/large/11fu06p.jpg[/img]
手指篤芒
U2010機身雖細，但估唔到佢配置有一個標準規格鍵盤，字粒雖細，但記者試用打稿，感覺操作揮灑自如；5.6"觸屏屬高度敏感設計，除使用跟機Stylus 操作外，用家甚至可直接用手指篤，配合180度反屏功能，U2010仲可當Tablet PC 用，並直接於屏幕上書寫，要記錄事項都非常方便。
■採用標準鍵盤，但按鍵較細粒。
[img]http://static.apple.nextmedia.com/images/apple-photos/apple_sub/20080811/large/11fu09p.jpg[/img]
■除Stylus 外，亦可用手指篤住寫。
[img]http://static.apple.nextmedia.com/images/apple-photos/apple_sub/20080811/large/11fu10p.jpg[/img]
完整Vista 功能
迷你版U2010，除機身細放唔落光碟機外，功能與完整筆記簿電腦無異。首先系統使用《Windows Vista Home Premium 》，完整視窗功能並非偷工減料之作，要加裝軟、硬件都好方便。要支援Vista ，硬件當然要足料，U2010使用IntelCentrino Atom 處理器，配1GB DDR2記憶體，硬碟容量達60GB ，要慳電可轉用64GB SSD 硬碟，令資料更有保障。保安功能好強，有BIOS 及防盜鎖，再加上指紋辨識器，儲存重要資料更安心。
■機身設有SD 及CF 記憶卡槽。
[img]http://static.apple.nextmedia.com/images/apple-photos/apple_sub/20080811/large/11fu14p.jpg[/img]
■內置802.11n 無線網絡。
[img]http://static.apple.nextmedia.com/images/apple-photos/apple_sub/20080811/large/11fu15p.jpg[/img]
■2-Cell 鋰電池，使用約3.5小時。
[img]http://static.apple.nextmedia.com/images/apple-photos/apple_sub/20080811/large/11fu18p.jpg[/img]
■跟機有視像通話及監控軟件。
[img]http://static.apple.nextmedia.com/images/apple-photos/apple_sub/20080811/large/11fu20p.jpg[/img]
機身Snapshot
Profile
處理器：Intel Centrino Atom Z530（1.6GHz ）
記憶體：1GB DDR2
屏幕：5.6"SuperFine WXGA （1,280×800）
硬碟：60GB
網絡：藍芽2.1、802.11n
其他：130萬像素鏡頭、SD/CF 卡槽
操作系統：Windows Vista Home Premium
體積/ 重量：171×135×26.5~33mm/610g
查詢：富士通（31012898） 有冇位入CD?? 大學價好似賣緊$11xxx
頁:
[1]
