8大公關狗
左起：凱恩嗲利「飛飛」、老虎狗「蚊蚊」、鬆獅「阿扁」口水舌功款客技術一流的top three 鎮店台柱，以鬆獅「阿扁」的毛上裝造型呢期最爆，剃淨得個頭，成隻Lion King 咁！
[img]http://static.apple.nextmedia.com/images/next-photos/NextMag/960/640pixfolder/H960-029N/H960_029.jpg[/img]
中環九如坊，是鄰近蘇豪但又屬於旺中帶靜的一條小巷。漫步其中，會有點點時光倒流回到香港六十年代的舊社會風貌。周遭的住宅式建築物有點像九龍城倒模，全不足十層樓高度，袖珍環宇均以一個微型的休憩公園為核心，一班老街坊都愛待在這裡閒話家常過日辰。
三色家貓「妹豬」
八大公關的乾糧&精神領袖Fred 。
[img]http://static.apple.nextmedia.com/images/next-photos/NextMag/960/640pixfolder/H960-029N/291.jpg[/img]
櫥窗滿是貓狗精品
[img]http://static.apple.nextmedia.com/images/next-photos/NextMag/960/640pixfolder/H960-029N/292.jpg[/img]
大佬「漢堡」
[img]http://static.apple.nextmedia.com/images/next-photos/NextMag/960/640pixfolder/H960-029N/293.jpg[/img]
二仔「嘻嘻」
[img]http://static.apple.nextmedia.com/images/next-photos/NextMag/960/640pixfolder/H960-029N/294.jpg[/img]
三少「哈哈」
[img]http://static.apple.nextmedia.com/images/next-photos/NextMag/960/640pixfolder/H960-029N/295.jpg[/img]
英短肥爸「金仔」
[img]http://static.apple.nextmedia.com/images/next-photos/NextMag/960/640pixfolder/H960-029N/296.jpg[/img]
九如坊之所以略有名氣，除了九記牛腩就喺左近；06年空降了樓高三十三層的四星級hip hotel 蘭桂坊酒店，為毗鄰舊貌帶來整形後的年青氣息；一間間簇新的食肆，成為網上最龐大口水兵團OpenRice 的口誅筆伐爭論據點；還因為這裡一間特色小店Saloon K 擁有與別不同的八大公關——全部四隻腳一條尾，零專業無態度，一味靠黐身黐世招呼服務，都可以憑呆鈍戇烚蠢肥腩巨躉動作慢口水多，甚至乎唔郁，[img]http://static.apple.nextmedia.com/new_hkfont/16px/black/FA55.gif[/img]到班生熟客暈得一陣陣，男女老嫩界別，大包圍通殺！
人是會偏心的！擁有最多粉絲的票王「阿扁」，於我，OK 啦，如果佢肯同我玩多嘅，全程唔用個屁股「得」住我對鏡訓覺覺的話。
[img]http://static.apple.nextmedia.com/images/next-photos/NextMag/960/640pixfolder/H960-029N/IMG_7746.jpg[/img]
我第一眼見到「蚊蚊」就愛上，十二分十分鈍，一身豬腩肉鬼咁論盡，但super 熱情，又勝在玩得，任舞唔嬲——除咗開大一刻。事關，佢直腸直肚分量，成堆山咁，頭咁大pat 呀！
[img]http://static.apple.nextmedia.com/images/next-photos/NextMag/960/640pixfolder/H960-029N/IMG_7939.jpg[/img]
嘩𡃁仔到！
[img]http://static.apple.nextmedia.com/images/next-photos/NextMag/960/640pixfolder/H960-029N/IMG_7967.jpg[/img]
反唔到身添！
[img]http://static.apple.nextmedia.com/images/next-photos/NextMag/960/640pixfolder/H960-029N/IMG_7863.jpg[/img]
人，總是有偏心的，英短肥爸「金仔」太寸，「漢堡」爛玩唔得矜貴，「嘻嘻」鬼鬼祟祟，唯獨身懷巨巨巨躉的「哈哈」，靚仔，順得人，呆呆滯滯點穴反應，勝在好抽水！
[img]http://static.apple.nextmedia.com/images/next-photos/NextMag/960/640pixfolder/H960-029N/IMG_7827.jpg[/img]
[img]http://static.apple.nextmedia.com/images/next-photos/NextMag/960/640pixfolder/H960-029N/IMG_7833.jpg[/img]
[img]http://static.apple.nextmedia.com/images/next-photos/NextMag/960/640pixfolder/H960-029N/IMG_7832.jpg[/img]
女人殺手
主攻剪髮，副賣二手古著貓狗擺設香薰精品的Saloon K ，前址坐落未變身成功的蘇豪區。因為03年沙士一役，重創做唔住，要另謀出路再找棲身地，於是變變變變成今時咁樣樣有嘅。「但由第一間鋪開始，『阿扁』已經跟我日日返鋪。」Fred 說。
名字極富青天白日滿地紅況味的「阿扁」，八歲幾，是Fred 買給女友的一份會行會走定情信物。「佢細個時眼耳口鼻[img]http://static.apple.nextmedia.com/new_hkfont/16px/black/C8AF.gif[/img]埋一[img]http://static.apple.nextmedia.com/new_hkfont/16px/black/C852.gif[/img]，扁口扁面好似硬食咗個波餅咁，所以叫『阿扁』。」越養越過癮，跟住老虎狗「蚊蚊」入門，之後凱恩嗲利「飛飛」接棒。「不如試吓養埋貓呀！」就這樣成世仔頭一趟擁有第一隻英國短毛貓「K 仔」。可惜叫得「K 仔」都無好下場，英年早逝，令Fred 對英短有種解不開的情意結，於是好快又買「金仔」，又怕「金仔」單身寡佬悶，諗住幫大少爺娶個老婆仔啦，殊不知急色仔三扒兩撥搞出貓命，一胎三子一女。「怕怕啦！」為絕後患一年內輪流去勢咁！都係逼爆屋企㗎，遂改動店鋪作為貓狗後樂園，卻意外地反收宣傳功效，人傳人之下，有唔少妹妹仔專誠為見呢班四腳公關一面。「其中有個特別錫貓嘅姐姐，每個月都會買成兩打以上貓罐頭、貓零食狗「立濕」探班，順便剪個靚髮咁。嘩佢次次萬歲就連我哋都帶挈埋，西餅蛋糕粉麵奶茶汽水，開心到！」咦，我今日兩梳蕉咋[img]http://static.apple.nextmedia.com/new_hkfont/16px/black/FACC.gif[/img]！
頁:
[1]
