Touch Screen熱過界 HP TouchSmart PC IQ508
[b][/b]
[img]http://hk.ketchup.nextmedia.com/images/next-photos/ketchup/062/640pixfolder/K862-138N/1p.jpg[/img]
'08夏天，IT 界風頭可說被手機搶晒，先有iPhone 3G 日日睇唔厭，後有喺《Batman 》中現身嘅Nokia 觸屏勁機5800XpressMedia ，證明touch screen 有排熱！相比之下，電腦過邊就好似靜得多，所以HP 出desktop 要搶收視惟有以彼之道，還施彼身。新機TouchSmart PC IQ508以篤芒做賣點未算奇，最巴閉係新設TouchSmart 介面，一玩就發現佢集齊iPhone 、HTC 同Samsung 篤芒手機強項於一身，一部電腦就俾你過足篤芒癮！
免費文章
Spec.
屏幕：22"輕觸式LCD （1,680×1,050像素）
處理器：Intel Core 2Duo T58502.16GHz
記憶體：4GB
硬碟：500GB
顯示咭：NVIDIA GeForce 9300M GS
光碟機：DVD Super Multi DL
體積：535×433×66mm
重量：10.7kg
售價：$12,998
查詢：HP （800938833）
TouchSmart 反應快 即場熱玩
唔講唔知，原來HP 早喺1983年就推出第一部輕觸式電腦150PC ，所以講篤芒絕對經驗老到。今次部IQ508，雖然將主機、光碟機同LCD 屏幕合而為一，但都比上一代IQ770薄一半有多，同一張垂直嘅八達通差唔多，超慳地方！效能方面，以Intel Core 2Duo T5850處理器配4GBRAM 同NVIDIA GeForce 9300M GS 顯示咭，不論睇戲定打機都可以輕鬆應付。當然最好玩都係新設嘅TouchSmart 介面，只要用手指輕輕一篤，就可以見到播片、聽歌、遊戲等各種功能呈現眼前，反應更比手機快得多！
[img]http://hk.ketchup.nextmedia.com/images/next-photos/ketchup/062/640pixfolder/K862-138N/3p.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-138N/2p.jpg[/img]
熱玩1︰Samsung Widgets 手指篤
一開機，雖然都係行Vista ，更見番桌面右邊條Widgets ，不過由於IQ508係用touch screen 關係，你就可以好似用Samsung F488手機一樣，將Widgets 上嘅時間、日曆、wallpaper 等各種小工具，直接用手指拉來拉去同開啟，比用mouse 好玩得多。
[img]http://hk.ketchup.nextmedia.com/images/next-photos/ketchup/062/640pixfolder/K862-138N/5p.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-138N/4p.jpg[/img]
熱玩2︰HTC Today 任你拖
再打開TouchSmart 介面，就見到睇戲、睇相、聽歌、上網等各種功能，以圖示形式排晒出嚟。最特別係日曆同世界時間嘅圖示，第一眼就覺得同HTC 個Today 勁似！而圖示間又係可以用手指拖來拖去轉功能，配埋全黑色background ，忽然令我以為自己玩緊Diamond ！
[img]http://hk.ketchup.nextmedia.com/images/next-photos/ketchup/062/640pixfolder/K862-138N/7p.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-138N/6p.jpg[/img]
熱玩3︰iPhone MultiTouch 即變大
一隻手指篤，可能都未夠過癮，再加多隻手指，就發現佢有埋iPhone 嘅MultiTouch 功能，容許你用兩隻手指將圖示拉大縮小。筆者試玩覺得佢準確度比iPhone 3G 更高，可惜係睇相時竟然用唔到呢個function ，點解？
[img]http://hk.ketchup.nextmedia.com/images/next-photos/ketchup/062/640pixfolder/K862-138N/8p.jpg[/img]
熱玩4︰機鋪篤芒都玩得
除咗有手機優點之外，IQ508更學埋機鋪啲篤芒遊戲，玩接龍就最過癮！直接將牌拉去你想擺嘅位置就得，唔似mouse 咁遲鈍，拉埋女朋友一齊玩最冧。
[img]http://hk.ketchup.nextmedia.com/images/next-photos/ketchup/062/640pixfolder/K862-138N/9p.jpg[/img]
熱玩5︰發揮創意亂咁畫
想正經的話，又可以試埋佢個Notes 功能，佢除咗可以手寫形式記低memo 外，更支援畫圖功能。小朋友想發揮創意，直接用手指喺芒畫就得，乾淨企理之餘，個芒成22吋大，感覺同喺A3紙上畫畫一樣。
既然有touch screen ，keyboard 、mouse 同remote 都好通氣採用無線設計，平時唔用收埋，令主機勁瀟灑。
[img]http://hk.ketchup.nextmedia.com/images/next-photos/ketchup/062/640pixfolder/K862-138N/11p.jpg[/img]
古銅色機側只厚66mm ，同一張八達通差唔多，最正係單一化設計，慳地方放睡房一流。
[img]http://hk.ketchup.nextmedia.com/images/next-photos/ketchup/062/640pixfolder/K862-138N/10p.jpg[/img]
IQ508本身聽歌同睇片功能都唔弱，所以用上High Definition Audio 揚聲器同Sonic Focus 數碼音效微調技術，增強音質。
[img]http://hk.ketchup.nextmedia.com/images/next-photos/ketchup/062/640pixfolder/K862-138N/13p.jpg[/img]
機背一邊係光碟機，而另一面就放齊USB 、RF 天線輸入，能用來接收電視，可惜唔係數碼制式，睇高清要另加USB 手指。
[img]http://hk.ketchup.nextmedia.com/images/next-photos/ketchup/062/640pixfolder/K862-138N/12p.jpg[/img]
Details check
有片睇！
嫌圖片、文字介紹未夠詳盡？《Ketchup 》經已將HP IQ508拍成短片免費畀你睇！請即click 入[url]http://www.ketchup.atnext.com[/url]就可以免費睇。
HP TouchSmart PC IQ508
頁:
[1]
