ACGHK2008 動漫節買嘢之神
港漫選1st《神掌龍劍飛》$14
[img]http://hk.ketchup.nextmedia.com/images/next-photos/ketchup/062/640pixfolder/K862-168N/01.jpg[/img]
入到會展參加《動漫電玩節2008》，樣樣都咁吸引，特首豪使$110億都救你唔到，快啲睇晒呢幾版「ACG shopping 攻略」，齊齊做買嘢之神，買得精明使得其所，月尾就唔使搵孖仔同Kama 救命啦！
香港動漫電玩節ACGHK 2008
Redmagic 日期：2008年8月1日至5日
地點：香港會議展覽中心1號展館
時間：10:00am 至10:00pm （8月5日提前8:00pm 閉館）
門票：$25（於7-11、OK 便利店及會場發售）
簽名會參加辦法：
於簽名會舉行當日，凡於玉皇朝攤位購買該作者相關作品，即可獲簽名籌，名額有限，先到先得。
[img]http://hk.ketchup.nextmedia.com/images/next-photos/ketchup/062/640pixfolder/K862-168N/04.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-168N/05.jpg[/img]
玉郎話用咗新嘅構圖去表達神掌武功，好似中間張「佛問迦南」，啲佛手又真係幾似《街霸》印度佬喎。
[img]http://hk.ketchup.nextmedia.com/images/next-photos/ketchup/062/640pixfolder/K862-168N/02.jpg[/img]
牛佬話《神掌》會做出一種傳統武俠小說格局，絕無滲入爛仔味，「佛問迦南」唔會變佛問浩南，火雲邪神唔會玩火機。
[img]http://hk.ketchup.nextmedia.com/images/next-photos/ketchup/062/640pixfolder/K862-168N/03.jpg[/img]
玉郎×牛佬
《神掌龍劍飛》佛問浩南！
玉皇朝攤位C11
黃玉郎一定好迷《如來神掌》，甚至係溺愛，否則唔會借用《龍虎門》大奸角火雲邪神教龍天（龍劍飛之父）如來神掌。近幾年《天子伍：如來神掌》一樣借機弄吓掌風，兜兜轉轉到今年，玉郎竟然搵番廿年前一齊搞「初代神掌」嘅牛佬合著動漫節重頭作《神掌龍劍飛》，牛佬絕少搞簽名會，8月3號帶埋去畀佢同玉郎簽名，升值力真係唔講得笑。
牛佬處男簽名會
日期：8月3日（日）下午4:00至4:45（大會簽名區）
黃生爆料話，原來今次係牛佬首次參加動漫節，第一次喺香港搞處男簽名會，呢個簽名就認真值錢啦！唔好帶《古惑仔》去簽喎！
港漫選2nd
[img]http://hk.ketchup.nextmedia.com/images/next-photos/ketchup/062/640pixfolder/K862-168N/06.jpg[/img]
阿Sa ×吳尊漫畫化《武俠梁祝》
呢個組合同樣係爆，封面畫到汶萊王子超英，飛輪海fans 真係一定要排番本，而內文方面仲係愛情漫畫王狄克操刀，簡直係刀光劍影動漫節中嘅一股清流。阿Sa 同尊哥喺星期一仲會到場簽名，必排！
$88（連poster 、寫真、notebook ）
梁祝簽名會
日期：8月4日（一）下午2:00至2:45（大會簽名區）
港漫選3rd
[img]http://hk.ketchup.nextmedia.com/images/next-photos/ketchup/062/640pixfolder/K862-168N/07.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-168N/08.jpg[/img]
火雲邪神Two-Face 半身像
筆者覺得全場最正就係呢款8吋高火雲邪神半胸像，佢仲有個特別版，半邊面係邪神、半邊係西城勇，150隻半身像中都有張抽獎券，其中15位可以得到別注雙面頭像配件！$680
日漫選1st
[img]http://hk.ketchup.nextmedia.com/images/next-photos/ketchup/062/640pixfolder/K862-168N/09.jpg[/img]
花樣漫畫男女 神尾葉子&井上三太簽名會
上屆動漫節最衰就係搵唔到夠分量嘅外國嘉賓，今年玉記就急call 《花樣男子》作者（即係台劇《流星花園》原著）神尾葉子小姐同《東京暴族3》作者井上三太嚟救市。尤其係星級畫家神尾老師，佢喺日本都係唔多肯見fans ，幾辛苦都要排。
神尾葉子簽名會
日期：8月2日（六）下午3:30至5:30（大會簽名區）
井上三太簽名會
日期：8月3日（日）下午3:00至3:55（大會簽名區）、下午4:05至5:00（玉皇朝攤位）
《花樣男子～完全版》1至2
[img]http://hk.ketchup.nextmedia.com/images/next-photos/ketchup/062/640pixfolder/K862-168N/10.jpg[/img]
《花樣男子》37
[img]http://hk.ketchup.nextmedia.com/images/next-photos/ketchup/062/640pixfolder/K862-168N/12.jpg[/img]
已經大結局嘅《花樣男子》除咗推出37期後傳故事（$28），仲會以「完全版」形式復刻，內容加入大量彩圖插畫，書頁size 激增20%，fans 必儲各$28。
[img]http://hk.ketchup.nextmedia.com/images/next-photos/ketchup/062/640pixfolder/K862-168N/11.jpg[/img]
《東京塗鴉》2
井上三太今次來港係谷《東京暴族》兄弟作《東京塗鴉》，呢位潮流達人曾經同本地牛王RCM 合作過，潮友要捧場！（$38）
日漫選2nd
大根布公仔筆座$148
[img]http://hk.ketchup.nextmedia.com/images/next-photos/ketchup/062/640pixfolder/K862-168N/14.jpg[/img]
同事聖護院大根公仔（細碼）$98
[img]http://hk.ketchup.nextmedia.com/images/next-photos/ketchup/062/640pixfolder/K862-168N/15.jpg[/img]
大大碌《青頭大根》
舊年動漫節玉記攤位最好賣嘅《青頭大根》，第2集去咗日本名店「豐天商店」做兼職，藍色制服襯白色身體，真係好搶眼，幾款蔬菜布公仔都係我心水推介。$38
日漫選3rd
[img]http://hk.ketchup.nextmedia.com/images/next-photos/ketchup/062/640pixfolder/K862-168N/16.jpg[/img]
粗炒妹夫《爆粗Band 友》5
真人電影、卡通、玩具，不文漫畫《爆粗Band 友》已經一舉成為潮界最buy 大熱作。今次根岸會返鄉下參加妹妹婚禮，化身Krauser 二世玩新郎！唔通步入教堂，真等如步入人生墳墓？$35
[img]http://hk.ketchup.nextmedia.com/images/next-photos/ketchup/062/640pixfolder/K862-168N/17.jpg[/img]
文化傳信 好毒啊大大！
文化傳信
攤位C13-17,C23-27
睇戲有凌凌漆聚精會神睇鹹帶刮骨取彈頭，今年動漫節，真係會見到關雲長全神貫注下象棋刮骨療傷！今年文傳攤位重點就係李志清嘅「關雲長刮骨療傷」巨型海報，足足有85cm ×180cm 咁大，限量5張！學啲討論區網友成日話：「你張圖好毒啊，大大！」
「關雲長刮骨療傷」巨型海報，限量5張。（暫定$1,500）
李志清簽名會
日期：8月3日（日）下午1:00至1:45（大會簽名區）
[img]http://hk.ketchup.nextmedia.com/images/next-photos/ketchup/062/640pixfolder/K862-168N/19.jpg[/img]
日本漫畫Best 5
《犬夜叉》53
曲靈竟忽然又死唔去，仲上咗琥珀身，總之係fans 就捱埋佢，堅持到54期大結局！各$30
[img]http://hk.ketchup.nextmedia.com/images/next-photos/ketchup/062/640pixfolder/K862-168N/20.jpg[/img]
《嬌俏女將美晴》1
上套作品《下北Glory Days 》勁多靚女令我好滿意，新作嘅體育元素更加令人期待。各$35
[img]http://hk.ketchup.nextmedia.com/images/next-photos/ketchup/062/640pixfolder/K862-168N/21.jpg[/img]
《初戀限定》1
《少年Jump 》新一代「最強繪女師」河下水希新作，冇得唔睇！$30（會場送限量海報）
[img]http://hk.ketchup.nextmedia.com/images/next-photos/ketchup/062/640pixfolder/K862-168N/22.jpg[/img]
《專務島耕作》1至2
島耕作又升做執行董事，我冇得升職，買番本替佢高興下都好。各$35
[img]http://hk.ketchup.nextmedia.com/images/next-photos/ketchup/062/640pixfolder/K862-168N/23.jpg[/img]
《金剛番長》1
溜冰、高爾夫球，鈴木央舊作都係比較斯文嘅運動漫畫，新作竟然挑戰校園打鬥。$30
東立食腦
玉皇朝
攤位D02-04，D13-15
陳某嘅《火鳳》，對三國時代有新嘅註解（而且一定好睇過《赤壁》），今年東立有另一本食腦新書《繪戰師》，作者孫威軍將東西古代文化大兜亂，巧妙地創作了一場西夏軍大戰十字軍嘅聖物之戰，唔想成日睇白癡少年打鬥書，呢本要買！
食腦之選1st
[img]http://hk.ketchup.nextmedia.com/images/next-photos/ketchup/062/640pixfolder/K862-168N/25.jpg[/img]
《繪戰師》1至3
中國古代西夏軍口中的異寶，原來就係歐洲十字軍心中嘅聖物，中西合璧、充滿謎團嘅本地原創佳作。各$30
食腦之選2nd
[img]http://hk.ketchup.nextmedia.com/images/next-photos/ketchup/062/640pixfolder/K862-168N/26.jpg[/img]
《偵探學園Q 特別版》
小Q 同幾位同學今次要解決一單橫跨東京→京都→大阪，擁有完美不在場證據嘅案件。$30
Scoop!HotCha 跳勁舞!
[img]http://hk.ketchup.nextmedia.com/images/next-photos/ketchup/062/640pixfolder/K862-168N/27.jpg[/img]
GameoneHotCha 週末狂熱
Gameone 攤位D12
買完漫畫，之後輪到排online game ，今年Gameone 安排咗《勁舞團》、《天龍八部》、《群俠傳》等限定遊戲包，啲超強道具係得會場先有得買。掃完貨，大舞台喺8月2日星期六仲會舉行《勁舞團》家族皇者挑戰賽，另外仲有HotCha 上台跳舞兼打機。
[img]http://hk.ketchup.nextmedia.com/images/next-photos/ketchup/062/640pixfolder/K862-168N/28.jpg[/img]
《勁舞團》家族皇者挑戰賽
日期：8月2日（六）下午1:30至2:30
《勁舞團》2周年紀念生日會
日期：8月3日（日）上午11:00至1:30
JJ 賈曉晨《魔域》簽名會
日期：8月2日（六）下午4:30至8:00
必Buy 1st
[img]http://hk.ketchup.nextmedia.com/images/next-photos/ketchup/062/640pixfolder/K862-168N/29.jpg[/img]
《勁舞團》幻彩舞台會場版
$800（限100套）
入面有4隻公仔、閃燈舞台、26件限量服裝同寵物。
必Buy 2nd
[img]http://hk.ketchup.nextmedia.com/images/next-photos/ketchup/062/640pixfolder/K862-168N/30.jpg[/img]
《群俠傳》十方魔道寶典會場版
$500（限300套）
又係有27件超強虛擬道具，頭100個買家又話送多200粒不死神功丸，仲有機會得到免費移民證轉伺服器。
必Buy 3rd
[img]http://hk.ketchup.nextmedia.com/images/next-photos/ketchup/062/640pixfolder/K862-168N/31.jpg[/img]
《古惑仔之義》海盜張保仔特別版
$380（限300套）
張保仔同古惑仔有乜關係？因為大家都係仔？
[img]http://hk.ketchup.nextmedia.com/images/next-photos/ketchup/062/640pixfolder/K862-168N/32.jpg[/img]
足足開發咗9年嘅RPG 大作《Too Human 》，快快去試。
[img]http://hk.ketchup.nextmedia.com/images/next-photos/ketchup/062/640pixfolder/K862-168N/33.jpg[/img]
《Tales of Vesperia 》係而家買少見少嘅日式RPG ，好此道者咪走雞！
[img]http://hk.ketchup.nextmedia.com/images/next-photos/ketchup/062/640pixfolder/K862-168N/34.jpg[/img]
XBox 攤位出名多靚女影，制服又性感。
[img]http://hk.ketchup.nextmedia.com/images/next-photos/ketchup/062/640pixfolder/K862-168N/35.jpg[/img]
XBox 360特急遊戲快線
XBox 360攤位D23
PS3就自己搞Asia Game Show ，入動漫節打機，唔玩online game 就一定要行去XBox360攤位玩！今年可以率先玩到《Too Human 》、《Tales of Vesperia 》呢2隻獨家作。今年個booth 仲會以「XBox 360特急遊戲快線」為主題，試玩區內安裝咗UGC 多功能電玩椅，一邊玩一邊震，加上大量靚靚cosplayer 陪玩，大家小心變電車癡漢啊！
Scoop!翻版樂基兒派game!
[img]http://hk.ketchup.nextmedia.com/images/next-photos/ketchup/062/640pixfolder/K862-168N/36.jpg[/img]
正門入去轉左就見到gamania 白色大舞台。
[img]http://hk.ketchup.nextmedia.com/images/next-photos/ketchup/062/640pixfolder/K862-168N/add.jpg[/img]
Gamania 有正版有翻版
Gamania 攤位C33
入動漫節當然支持正版，但Gamania 攤位今年就搵咗翻版樂基兒Chrissie Chau 做「遊戲橘子動漫大使」，大派總值超過$300嘅遊戲福袋畀頭100個到場玩家，8月4號仲有農夫到場Rap 歌宣傳跳舞game 《Groove Party 》，咁搞法，真係正版、翻版都要一齊「十卜」（support ）。
《Counter Strike Online 》邀請賽
日期：8月1日（五）下午4:00至4:45
農夫《GrooveParty 》簽名會
日期：8月4日（一）下午4:00至4:30
必Buy 1st
[img]http://hk.ketchup.nextmedia.com/images/next-photos/ketchup/062/640pixfolder/K862-168N/39.jpg[/img]
會場率先版《瑪奇》G8改版包
街外8月先出，動漫節率先賣之外，頭批玩家仲有機會得到抱枕、tee 做禮物（$70）同場仲有限量2隻嘅《瑪奇》「魅魔」figure 。$600
必Buy 2nd
[img]http://hk.ketchup.nextmedia.com/images/next-photos/ketchup/062/640pixfolder/K862-168N/40.jpg[/img]
《Grand Chase Season2》打氣包
送卡通人物吹氣抱枕同多種珍貴道具。$250（限量500套）
必Buy 3rd
[img]http://hk.ketchup.nextmedia.com/images/next-photos/ketchup/062/640pixfolder/K862-168N/41.jpg[/img]
《Fantasy Earth Zero 》精包
Gamania 搞咗個《Fantasy Earth Zero 》VIP 房畀你試玩呢隻Square Enix 製作嘅網絡RPG 。$128（限量300套）
手挽袋形金屬匙扣$89
[img]http://hk.ketchup.nextmedia.com/images/next-photos/ketchup/062/640pixfolder/K862-168N/42.jpg[/img]
手提摺鏡各$69
[img]http://hk.ketchup.nextmedia.com/images/next-photos/ketchup/062/640pixfolder/K862-168N/43.jpg[/img]
Monchhichi 情侶鎖
Skywards 攤位D29
上星期未公開得嘅Skywards 會場限量Monchhichi 精品，終於有樣睇。包括有手提摺鏡同埋手挽袋形金屬匙扣，呢個袋仔上面除咗有一對Monchhichi 圖案，仲有大大粒閃石，好elegant 啊！
[img]http://hk.ketchup.nextmedia.com/images/next-photos/ketchup/062/640pixfolder/K862-168N/44.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-168N/45.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-168N/46.jpg[/img]
C.i.boys 奧運滋事分子
Redmagic 攤位C36-38，C44-46
京奧守衛森嚴，香港馬術比賽，乜都唔畀帶入場。我就情願去動漫節Red Magic 攤位，影吓呢套C.i.boys 奧運滋事分子figure ，喺大型影相展區入面，有好多公仔扮晒運動健將，好似魚蛋劍擊、蒼蠅拍羽毛球，仲有香港人一定要買嘅「6吋醉心馬術Migu 」，好過買大陸啲老翻「福娃變形金剛」啦！
6吋醉心馬術Migu ，佢隻馬應該唔合參賽資格喎。（1隻6吋+抽3隻2吋運動C.i.boys ，$540）
京本有加A 款
[img]http://hk.ketchup.nextmedia.com/images/next-photos/ketchup/062/640pixfolder/K862-168N/47.jpg[/img]
京本有加B 款
[img]http://hk.ketchup.nextmedia.com/images/next-photos/ketchup/062/640pixfolder/K862-168N/48.jpg[/img]
時東亞美
[img]http://hk.ketchup.nextmedia.com/images/next-photos/ketchup/062/640pixfolder/K862-168N/49.jpg[/img]
森Madoka
[img]http://hk.ketchup.nextmedia.com/images/next-photos/ketchup/062/640pixfolder/K862-168N/50.jpg[/img]
其中1位囡囡京本有加仲會飛嚟動漫節搞簽唱會添，希望有加出場唔好著tee ，照樣水著出場啦！
日期：8月3日（日）下午2:00至2:30
[img]http://hk.ketchup.nextmedia.com/images/next-photos/ketchup/062/640pixfolder/K862-168N/51.jpg[/img]
Masked Rider 外衣少女
CC 攤位B13
早排見過一輯設計不俗嘅Q 版幪超tee ，呢間廠喺漫畫節會推出5款由知名攝影師CK 操刀嘅日本水著少女tee ，囡囡身上都有好多幪超元素，tee print 設計好似星野亞希×Air Jordan tee ，著超人上身都唔電車男。各$330
Stephanie
162cm 30、22、33
[img]http://hk.ketchup.nextmedia.com/images/next-photos/ketchup/062/640pixfolder/K862-168N/56.jpg[/img]
Sa Kwan
168cm 33、24、32
[img]http://hk.ketchup.nextmedia.com/images/next-photos/ketchup/062/640pixfolder/K862-168N/55.jpg[/img]
Cat
168cm 33、24、32
[img]http://hk.ketchup.nextmedia.com/images/next-photos/ketchup/062/640pixfolder/K862-168N/52.jpg[/img]
Carol Yeung
167cm 34、25、35
[img]http://hk.ketchup.nextmedia.com/images/next-photos/ketchup/062/640pixfolder/K862-168N/53.jpg[/img]
Pinky
166cm 32、24、34
[img]http://hk.ketchup.nextmedia.com/images/next-photos/ketchup/062/640pixfolder/K862-168N/54.jpg[/img]
Miss BANDAI 入圍少女速報
BANDAI 攤位B03
港姐？又少女，又話造馬，唔睇啦！入動漫節睇Miss BANDAI 好過，截稿前收到頭5個入圍囡囡嘅靚相，而家即時公開，玩高達之餘，唔好忘記去BANDAI 舞台[img]http://hk.apple.nextmedia.com/new_hkfont/16px/black/C8C0.gif[/img]女！
[img]http://hk.ketchup.nextmedia.com/images/next-photos/ketchup/062/640pixfolder/K862-168N/57.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-168N/58.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-168N/59.jpg[/img]
[img]http://hk.ketchup.nextmedia.com/images/next-photos/ketchup/062/640pixfolder/K862-168N/60.jpg[/img]
場外情報
Replay 超抵價重玩經典
呢個8月除咗去動漫節消費，再醒啲好料你知。今個月有批平靚正經典遊戲，全部係以$58大特價發售，好似《蜘蛛俠》、《變形金剛》、《超音鼠》等，真係平到我唔信啊！行完動漫節，記得去game 鋪掃貨！（查詢：27891213）
估唔到連《XIII 》呢類成人FPS 都做到$58咁平，呢個系列仲會不斷追加新作，詳情記得留意日後嘅介紹啊！
[img]http://hk.ketchup.nextmedia.com/images/next-photos/ketchup/062/640pixfolder/K862-168N/Picture_5.jpg[/img]
ACGHK2008咪走雞CHECK LIST
（以上活動除Miss BANDAI 選舉外，均於ACGHK08主舞台舉行。）
頁:
[1]
