娃娃手機
[img]http://hk.ketchup.nextmedia.com/images/next-photos/ketchup/061/640pixfolder/K861-108N/001d.jpg[/img]京奧舉世注視，《功夫熊貓》又大收，食中國風真係會掂。
外國人都要「借東風」，中國同胞出手機，梗唔少得整啲「中國樣」迎奧運。呢部咁爆嘅娃娃臉手機，個樣幾似韓國嘅中國娃娃Pucca 。唔理你真係有娃娃年紀，定只係有娃娃臉，都岩掛住呢個娃娃頭出街。
Spec.
制式：GSM 雙頻
屏幕：1.3"26萬色TFT
鏡頭：30萬像素
記憶：內置1GB
體積：87×71×55mm
重量：85g
售價：$1,080
查詢：自由行（23921115/ 旺角先達廣場地下G108A 鋪）
圓碌碌嘅機袋落褲袋實覺得「銀」，都係用番佢跟機送過條掛頸繩掛喺心口啦！
[img]http://hk.ketchup.nextmedia.com/images/next-photos/ketchup/061/640pixfolder/K861-108N/003.jpg[/img]
打開塊面打電話
呢部娃娃手機最爆係個外形，一塊面兩個髻，3個圓形黐埋一齊，好有character 。就咁睇個款，頂多以為係MP3機，點知塊面頂部原來能夠打直揭開，咁先見到入面嘅屏幕同埋keypad ，可以好似正常手機咁打電話，破格得嚟仍好實用，唔似得啲手表手機得兩個掣，㩒掣㩒半日先揀到合適no.打電話。如果你嫌佢形狀怪，講電話時唔好揸，都唔緊要，佢內置咗藍牙，你可以掛住部機喺心口，然後用藍牙無線handsfree 慢慢傾。
手機主體係啤實晒嘅，冇得拆開換電，SIM 咭就係插喺機側條槽度，某程度上換SIM 仲比正常手機方便。
[img]http://hk.ketchup.nextmedia.com/images/next-photos/ketchup/061/640pixfolder/K861-108N/002.jpg[/img]
喇叭藏喺左髻入面，鏡頭就擺喺右髻背面，但都係唔好用佢嚟偷拍，事關快門聲係嘈到拆天。
[img]http://hk.ketchup.nextmedia.com/images/next-photos/ketchup/061/640pixfolder/K861-108N/004.jpg[/img]
筆者隻大手揸住部機，就更顯得佢的骰。我隻粗手指就好難㩒啲掣啦，女仔同細路就ok ，反正部機都係為佢哋而設啫。
[img]http://hk.ketchup.nextmedia.com/images/next-photos/ketchup/061/640pixfolder/K861-108N/005.jpg[/img]
呢類卡通手機點會淨係得個樣，介面實加埋大量主題圖案，呢部都唔例外，無論開機、熄機同menu ，全部都有個娃娃嘜頭，畀你對到夠。
[img]http://hk.ketchup.nextmedia.com/images/next-photos/ketchup/061/640pixfolder/K861-108N/007.jpg[/img]
不過部機咁細，個芒都焗住細，得1.3吋，睇片時扣埋介面佔去嘅屏幕空間，畫面剩番丁屎咁大。雖然佢亦支GPRS 上網，但咁樣睇網？都係算把啦。
[img]http://hk.ketchup.nextmedia.com/images/next-photos/ketchup/061/640pixfolder/K861-108N/008.jpg[/img]
試相 鏡頭得30萬像素，影相出嚟又發白，但係呢類大陸機都冇人預佢影相靚㗎啦，當有webcam 質素玩吓咪算咋。
[img]http://hk.ketchup.nextmedia.com/images/next-photos/ketchup/061/640pixfolder/K861-108N/010.jpg[/img]
髮髻鏡頭唔覺眼
部機仲有齊一般手機嘅功能，影到相、睇到片、聽到歌，唔講傾電話，當MP3機用都唔錯；而鏡頭就收喺右邊髮髻後面，對準人哋嚟影，人哋都唔知你影緊佢。但部機機身好光滑，除咗機側條SIM 咭槽，就冇乜detail 位，亦冇得插記憶咭同換電，所以要靠內置1GB 記憶體去放歌同相，抄入抄出file 就要用頭頂嘅USB 埠駁cable 去電腦。呢啲大陸得意手機，要求再勁啲嘅功能就冇㗎啦，但賣得平平哋，個娃娃樣又cute ，就算港女點都係揀iPhone 3G 唔吼佢，咁買畀細路用都岩呱？
卡通手機前科唔夠爆
大陸年中出埋大堆卡通手機，最多人鍾意嘅character 都出過咁滯，但大部分只係印個卡通嘜頭落機殼就算，冇乜誠意，睇番呢3部淘寶網貨尾，就知呢部娃娃手機有幾爆。
[img]http://hk.ketchup.nextmedia.com/images/next-photos/ketchup/061/640pixfolder/K861-108N/011.jpg[/img]
[img]http://hk.ketchup.nextmedia.com/images/next-photos/ketchup/061/640pixfolder/K861-108N/011-1.jpg[/img]
夾硬變貓
Hello Kitty 嘅gadget 出到勁濫，差唔多數得出嘅電子產品都有，手機更加數之不盡。為咗有別於其他「得個貓樣」喺機殼嘅機，呢部SED V628就夾硬整到有Kitty body 嘅線條咁，可惜機身仍然離唔開「直筆甩」嘅款，仍然冇中國娃娃手機咁特別。約$380
[img]http://hk.ketchup.nextmedia.com/images/next-photos/ketchup/061/640pixfolder/K861-108N/012.jpg[/img]
最冇誠意
Gigabyte 喺台灣雖然算係大手機廠，出親卡通機又係真係嗱正license ，啲機嘅功能喺當時仲要唔曳，但每部機嘅功能同外形都一模一樣，淨係印唔同公仔上去就當全新機賣，叮噹、Snoopy 、Barbie 、Keroro ，全部都係咁出，好冇誠意。約$2,480
[img]http://hk.ketchup.nextmedia.com/images/next-photos/ketchup/061/640pixfolder/K861-108N/013.jpg[/img]
蝕晒timing
有齊5隻福娃造型嘅福娃手機，雖然睇得出都係由普通直身機加個公仔樣改裝而成，仍然唔算好特別，但喺奧運殺到埋身之際，真係食正timing 。可惜部機係大陸限量版嚟，早排先達曾經有得賣，而家已經冇晒，啲人買唔到，幾岩timing 都冇用啦！約$550
淘寶網址：[url]http://www.taobao.com[/url]
頁:
[1]
