先達2G iPhone 全部係鬼機
你唔係想買鬼機畀我哋吓話？[img]http://hk.ketchup.nextmedia.com/images/next-photos/ketchup/060/640pixfolder/K860-049N/m01.jpg[/img]
睇完8版iPhone 3G ，飽未？未夠？咁睇埋2G iPhone 做甜品啦！
驚你唔知，再講多次，鬼機，即係翻新機咁解。之前2G iPhone 美國多多都有得供應，使鬼賣鬼機。而家就唔同喇，美國停晒產，大陸又同香港搶貨，先達想搵部真正全新嘅2G iPhone 都難。冇新貨賣，咪翻新啲二手機當新機賣咋，仲賣成5千幾蚊添（8GB 咋）！第二啲機就唔得㗎啦，鬼叫呢部係iPhone 咩，乜事都有可能發生！
老實話係二手機嘅16GB 只係賣$4,980咋，仲平過8GB 鬼機$500幾，個價爭咁遠，梗係多人入魔賣鬼機。
[img]http://hk.ketchup.nextmedia.com/images/next-photos/ketchup/060/640pixfolder/K860-049N/m03.jpg[/img]
2G iPhone 機價一路升
首先你會問，iPhone 3G 都出咗，舊iPhone 憑乜賣咁貴？查實呢個係先達特性嚟，只要一部機冇貨又有大把人爭住要，垃圾都會吊高嚟賣。況且iPhone 3G 同2G 只有上網速度及AGPS 呢兩個明顯差別，毋須3G 嘅大有人在。2G iPhone 岩岩停產時，8GB 同16GB 機價已立即升到$5,000同$6,000，而家連僅餘嘅新貨都俾大陸佬掃晒，全先達都冇新機，班友收完啲二手機，就即刻翻新成鬼機賣番出嚟，價錢仲要貴過之前嘅真正新機。
而家唔使旨意可以喺先達搵到一部平過$5,XXX 嘅8GB 2G iPhone ，仲要全部係鬼機，喪搶錢，買炒價iPhone 3G 好過，起碼係真．新機。
[img]http://hk.ketchup.nextmedia.com/images/next-photos/ketchup/060/640pixfolder/K860-049N/m02.jpg[/img]
鬼機賺多二手機一倍
咁賣鬼機好賺過正當賣二手機幾多？而家新淨嘅8GB 同16GB 大約收$3,500同$4,500，當二手機賣最多每部賺$500，但當鬼機賣，就可以叫價$5,500（8GB ）同$6,500（16GB ），即係賺多成千蚊，比賣二手機賺多一倍呀。收機時班友通常會要求放機者畀齊包裝盒同配件，方便佢哋翻新，但如果冇，佢哋要班返嚟都唔難，不過會酌量壓低少少回收價咋。若然遇著啲機殘啲嘅，要花好多工夫大修，都係減價照收，反正多數機翻新嘅成本都好低，點計都有賺。
先達班友經過長期賣鬼機訓練，個個都係包裝高手，要包番條耳筒未拆過一樣，話都冇咁易。但你唔好諗住自己翻新部機扮全新去放高啲價，呃唔到佢哋㗎！
[img]http://hk.ketchup.nextmedia.com/images/next-photos/ketchup/060/640pixfolder/K860-049N/m09.jpg[/img]
還原靚靚拳4招
由於iPhone 賣到個客手之前經已拆盒解鎖，包裝實開過，冇乜人見過未開封新貨盒入面真正係點樣，所以好易呃到人，只要包番好耳筒、叉機，再因應部機有幾殘而用下面4招去翻新就得。
手機鋪擺支牙刷喺鋪面，唔通用嚟刷牙咩，梗係刷手機啦。
[img]http://hk.ketchup.nextmedia.com/images/next-photos/ketchup/060/640pixfolder/K860-049N/m10.jpg[/img]
1.掃塵加去油
若然收到部機落地日子短，機主又勁錫機，機身冇花冇爛，就只要用牙刷掃清耳筒位、叉電位呢啲窿窿罅罅嘅塵，再用白電油捽淨機身嘅面油手油漬，成部機已經爽晒好似新一樣，翻新近乎零成本。
一般人要貼膠膜貼到新機咁靚就幾難，但對先達班貼保護貼專家嚟講，就冇乜難度啦！
[img]http://hk.ketchup.nextmedia.com/images/next-photos/ketchup/060/640pixfolder/K860-049N/m13.jpg[/img]
2.貼膜遮花痕
部機個芒花咗少少都唔怕，只要貼番新機出廠時過塊薄膠膜上去，反光效果就會令人睇唔出啲花痕。先達班友要搵塊膠膜返嚟扮原廠過張好鬼易，又係接近唔使錢，最難反而係貼膜嘅技巧。
而家行先達，久唔久就會聽到手機鋪入面傳嚟摩打聲，就係班友用緊呢類指甲打磨器磨緊iPhone 。
[img]http://hk.ketchup.nextmedia.com/images/next-photos/ketchup/060/640pixfolder/K860-049N/m14.jpg[/img]
[img]http://hk.ketchup.nextmedia.com/images/next-photos/ketchup/060/640pixfolder/K860-049N/m15.jpg[/img]
3.磨令銀邊框
iPhone 外圍條銀邊框都幾易花，但先達友都能用指甲打磨器搞掂，只要包層海綿落鑽頭，再搽少少省銅水落去打磨，條邊框就會變番令，細微嘅花痕亦會變得唔覺眼。部打磨器大約$2,000，省銅水$30，班友share 用，成本又係平到笑。
先達一早有鋪頭掛晒啲A 殼出嚟任人選購，而家要嗱嚟整鬼機都大把貨。
[img]http://hk.ketchup.nextmedia.com/images/next-photos/ketchup/060/640pixfolder/K860-049N/m16.jpg[/img]
4.全A 殼變新
如果收正啲粗人用到勁花嘅機，點執都執唔番靚，絕招就係用A 殼換晒花咗嘅地方，機背加埋銀邊框全套大約$500至$600。呢招最難嘅地方就係成本太貴，唔到其他低成本鬼機都賣晒、又遇著大水魚嘅時候，都唔會用呢招。
iPhone 3G 發表前，2G 已停產，係2G 回收價最高嘅時候，之後大插完一輪，而家又去番8GB 收$3,500同16GB 收$4,500嘅高位。
[img]http://hk.ketchup.nextmedia.com/images/next-photos/ketchup/060/640pixfolder/K860-049N/m04.jpg[/img]
大陸人狂掃2G 新機
之前iPhone 3G 一發表，香港2G iPhone 回收價大跌，8GB 最低收$2,000，16GB 更加冇人收，但而家個回收價又去番最高峰嘅時候，點解？一直以嚟水貨佬都留晒啲2G iPhone 喺香港賣，直到早排出現短暫嘅恐慌期，水貨佬驚散唔到貨，先至運晒啲新機上大陸賣。唔賣由自可，一賣先知咁好賣，因為大陸3G 制式同iPhone 3G 唔同，新機對大陸人冇吸引力，反而2G 就多多都同你掃晒，搞到先達一部新機都冇咁慘。
電機兒
見盡奸商、騙徒，恃住有幕後高人力撐，唔怕得罪人，有過句講過句！ hard to believe.. 不過都知小小有人會咁做~:o :o
頁:
[1]
