癡纏男女親熱犯眾憎

可大可小 發表於 2008-7-2 12:49

樓主ccbeauty 搭港鐵遇到一對「連體嬰」，「佢地企係門口，有人要落車，對連體嬰唔肯讓開，搞到d 人係咁迫我，……d 人 bag 扣刮落我手臂，仲連續幾個，真係慶爆！」別以為他們血氣方剛熱血青年才如此難以自控，原來「中年人黎架！一上車就摸黎摸去，個女人手背揩到我幾次！不知所謂！」

女同女摸摸攬攬
雖然癡男怨女行為並不罕見，但仍令不少網民嘔吐大作，紛紛升白旗投降。有網友表示：「阿女見到問我個姐姐係唔係好乖，所以個哥哥係咁咀佢！」難怪大多數保守派堅持「加埋都成百歲，恩愛咪拖下手仔算o羅！要摸返屋企摸啦！真係影響市容。」

目睹真人show 豈止樓主，一網民分享：「有次對男女坐我對面，女既著住魚網絲襪，男既用手『撩』絲襪上的洞，仲一路『撩』，一路深情對望又咀下，真係前世！」另有網友報稱：「我見過巴士有對X 男女，坐下層落車門隔籬個位，兩個人打車輪（接吻）由銅鑼灣到馬鞍山仲打緊！」

在公眾場合激情不限於男與女，「男同女連體都算啦，我搭西鐵時見過女同女，係度摸下摸下，攬下攬下……」除了交通工具，扶手電梯也是當眾親熱的熱點，「搭電梯全程唔使一分鐘，個幾廿秒都唔放過，一踏上電梯個一刻，女方就好自動自覺咁擰轉互相攬住，見到佢地就唔開胃！」

可大可小 發表於 2008-7-2 12:52

依家d人真係好...:smilies08:

iatmeng 發表於 2008-7-2 13:42

回復 1# 可大可小的帖子

如果係唔影響到其他乘客既情況下有乜問題喎....外國人都係咁架啦....無計架....唔想睇見既咪行開唔睇囉....要專重每個人既自由丫嘛....依架香港唔係成日講話要自由既咩....哈....雖然我個人來講都覺得有多少反感,但我會學吓點去適應,就正如我咁講,唔想睇咪行開唔睇囉....唔想睇都有自由嘛....哈:smilies16:

可大可小 發表於 2008-7-2 13:52

咁......情到濃時又真係~~~
唯有當睇唔到啦! :smilies14:

poalan1 發表於 2008-7-2 14:01

Fortunately, if hasn't found the 男與男 case!:smilies48:

yin 發表於 2008-7-2 14:03

唔係太過份都接受到...
適當o既身體接觸係必須o既...如果分開晒黎行....真係好唔似拍拖

iatmeng 發表於 2008-7-2 14:35

回復 5# poalan1 的帖子

哈...你要記著"愛,本是無罪"呀.....根本唔需要你去話接唔接受丫嘛:smilies64:

chacha610 發表於 2008-7-2 15:10

係有佢地既自由但係我覺得唔好整到人 or 發出啜啜啜呀果d聲羅 ~
:smilies38:

shingling 發表於 2008-7-2 15:21

我覺得佢地D表演慾好強

harrylau 發表於 2008-7-2 17:19

我都覺得只要唔好阻住人地就得, 不過我自己就唔會咁做喇...

頁: [1]

著數優惠交流網's Archiver