《Metal Gear Solid 4》
[img]http://hk.ketchup.nextmedia.com/images/next-photos/ketchup/056/640pixfolder/K856-148N/op1.jpg[/img]劉華出名對工作有要求，但佢個演唱會，拍埋高清都用唔晒成隻Blu-ray 藍光碟啦！
特務動作game 《Metal Gear Solid 》一樣喜歡慢工出細貨，集集都精雕細琢到近乎完美先出街，金牌監製小島秀夫仲不滿咁話：「50GB 一張藍光碟，根本唔夠用！」打鋪機都咁有要求？就睇吓你雕乜花！
[img]http://hk.ketchup.nextmedia.com/images/next-photos/ketchup/056/640pixfolder/K856-148N/cover.jpg[/img]
Spec
名稱：《MGS4Guns of Patriots 》
機種：PS3
廠商：KONAMI
類型：Tactical Espionage Action
人數：1人/Online 16人
售價：日文版$499、英文版$429、英文雙碟版$599
查詢：i-Gamer （27253338/ 深水埗福仁商場G20號鋪）
無掩之城No Place to Hide
《MGS4》係一套幾著重「潛入」的遊戲，你要盡量唔俾地圖上的敵人發現，走向紅圈指示的目的地，今集仲強調No Place to Hide 要素，即係冇100%永久安全位置畀你避難，筆者本來想停低影吓呢個用盡50GB 容量製作嘅超靚3D 版圖，最後都要慘死。
但玩咗3版，發現《MGS4》仍然存在上集重大矛盾，就係地圖雖然勁正，但行走路線其實只得一條，冇位避最後又係要打，好多玩家都用終極邪道玩法，就係唔理敵人發現與否，一口氣跑到版尾，成隻game 失晒意義，仲潛乜鬼入！
變色需時，試過草地走入大屋後冇等轉色就行，死！
[img]http://hk.ketchup.nextmedia.com/images/next-photos/ketchup/056/640pixfolder/K856-148N/04.jpg[/img]
拾來的紙皮箱可用來隱身，新增的鐵筒更可按×滾來滾去，但無情情在森林有個紙箱，阿水都會射你。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/05.jpg[/img]
使用Snake Eye 的夜視功能睇腳印，咁就知道前面有幾多敵兵埋伏，勁有用。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/06.jpg[/img]
潛行派必修
第1集有件忍者衣，穿著後成身透明，直行直過你惡晒，今集就有件「變色龍戰衣」，按×伏地或△貼牆而行，服裝就會吸收背景顏色成為迷彩，但原來件衫都唔係太無敵，敵人離遠望你唔到，但埋身就殺硬你。
第一身射擊視點做得更靚，但各種槍械的集彈性、準繩度、後座力都冇做出明顯分別，睇落好似達《COD4》級數，其實未夠班。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/07.jpg[/img]
殺死敵人後一定要拖走屍體，否則其他兵仔見屍就會call 總機求救。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/08.jpg[/img]
解武器鎖就要錢，而錢係要靠好成績過版儲得，但我明明已經成功潛入，做乜仲要買槍用來亂射？認真矛盾！
[img]http://hk.ketchup.nextmedia.com/images/next-photos/ketchup/056/640pixfolder/K856-148N/09.jpg[/img]
狂攻派必讀
雖然玩法主題為「不戰」，但啲槍真係多到唔想執，為解決這盲點，遊戲加設「ID 槍」概念，槍械到手後仲要畀錢搵黑市軍火商Drebin 解鎖先可使用。冇槍又想玩弄敵？記得玩吓支麻醉槍，或者不動聲色咁從後將敵人打暈，之後就按△拖走條屍，勁過癮。
蛇伯寶刀未老，打起來一樣咁勁。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/02.jpg[/img]
主角同最後波士都係阿伯，商業上幾趕客。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/03.jpg[/img]
人造人之死
主角Solid Snake 同佢死對頭/ 兄弟Liquid Snake 同樣係為製造超級士兵而生產的試管嬰兒，經過3集惡鬥，本已死去的Liquid ，靈魂竟轉移入Snake 另一死敵Ocelot 身上，而Snake 的身體受到Foxdie 細胞影響而急速老化，只餘一年命。本打算自殺的Snake ，驚聞Liquid 再度現身於中東戰區，身體狀況老過福伯的Snake ，走上一次了結恩怨、甚至了結自己嘅最後一戰。
蛇叔的好拍檔Mk.2，可愛過就快上畫個隻迪士尼機械人「威E 」。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/29.jpg[/img]
第2版最尾，第二主角雷電一個打8部中型M.G ，絕對係史上最正嘅PS3播片，咪skip ！
[img]http://hk.ketchup.nextmedia.com/images/next-photos/ketchup/056/640pixfolder/K856-148N/30.jpg[/img]
來自PSone 第一集的Metal Gear Rex ，而家PS3再出現，細緻得多了。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/31.jpg[/img]
全高清巨獸
50GB 容量用咗去邊？首要當然係Metal Gear 這部穿插整個故事中的巨型武裝兵器，以往3集Snake 都致力破壞M.G ，但今次就有點分別，首先Snake 自己都會有一部迷你版M.G Mk.2幫手，用來探路、通訊，而且通街都有中型size 的量產版M.G ，6、7隻用一支M4去打，玩到我好緊張！
[img]http://hk.ketchup.nextmedia.com/images/next-photos/ketchup/056/640pixfolder/K856-148N/28.jpg[/img]
八爪女Lyndall Jarvis 真人與CG ，做得好索好似。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/33.jpg[/img]
打贏後條女埋身攬實蛇伯，咪以為好爽，唔快啲打死佢，會自爆攬住一齊死。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/34.jpg[/img]
索女強戰
除了多部巨型鋼獸，game 內4個中頭目Beauty and the Beast Unit 全部由美女改造而成，有八爪女、狼女、烏鴉女同螳螂女，全部打贏晒先見到素顏真面目，我玩咗一晚先贏到八爪女，個女仔雖然勁索，但會不斷狂笑，加上絕正嘅5.1音響效果，玩完真係發惡夢！
蛇叔好玩嘢
《MGS4》比起同類美式FPS ，不單血腥度低好多，仲有唔少心思位同抵死笑位。
將右手邊粒analog 掣當係clickwheel ，轉佢、click 佢，就可以揀歌聽。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/40.jpg[/img]
好玩過iPhone 手掣虛擬iPod
早幾期都提過蛇叔今集會用iPod ，我仲寸佢out ，冇買iPod touch 添！但原來揀舊款iPod ，目標原來想用PS3手掣上粒草菇扮clickwheel ，你真係可以一面打仗、一面用右手analog 掣轉盤揀歌，成個menu 連歌手、碟名分類做到足。雖然用iPod 時就唔可以同時使用Snake Eye 等道具，但一路聽歌一路走佬真係太型，高手要玩！
[img]http://hk.ketchup.nextmedia.com/images/next-photos/ketchup/056/640pixfolder/K856-148N/16.jpg[/img]
[img]http://hk.ketchup.nextmedia.com/images/next-photos/ketchup/056/640pixfolder/K856-148N/17.jpg[/img]
呢部Virtual iPod 功能上同真機係冇分別，戰場上不時會執到新歌，又可在menu 內DL 新歌，唯一可惜係版權問題，唔可以收聽PS3內的MP3歌曲。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/21.jpg[/img]
[img]http://hk.ketchup.nextmedia.com/images/next-photos/ketchup/056/640pixfolder/K856-148N/22.jpg[/img]
人人立志睇Playboy
睇成人雜誌係《MGS 》自古以來傳統，今集蛇伯面向世界，飛起日本書《Sabra 》，轉睇國際化的《Playboy 》，放心，只係性感相，有衫著。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/25.jpg[/img]
蛇叔係Mac 友
成隻game 所有電腦都係Apple 出品，主角同伴Otakon 博士枱面已經有3部iMac 同G5，絕對係Mac 友。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/23.jpg[/img]
老人腰痛貼膏藥
好搞笑，蛇伯如果彎腰過多，停落嚟時會鎚吓個背脊，呢個時候你要用Arsenal 濕布（阿仙奴？），狙擊痛楚根源。
Death match 、佔領，都係咁上下玩法，只有4個地圖，其他新版、新武器，全部畀錢。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/35.jpg[/img]
登記要入個人資料，比XBL 的連線game 麻煩，好在唔使錢，而且server 在日本相當快就可以連到線，搵齊人開戰，都值得一玩。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/36.jpg[/img]
英文版、日文版用家server 唔同，想搵fd 玩，就記得買齊同一個版本。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/37.jpg[/img]
Metal Gear Online 分拆上市懶係勁
未出街前唱到勁行，話《MGS4》買1送1，內附《Metal Gear Online 》，收到貨先知，其實只係將FPS 遊戲必定會有的連線玩法分拆上市。雖然小島秀夫做game 有心機，但外行人始終係外行人，系統平均度比起《COD4》差太遠，玩得唔夠爽，除咗有個捉蛇mode （即16人合作打電腦控制的蛇伯）突出到Metal Gear 的特色，其他模式都只係玩到悶的FPS 對戰遊戲。
[img]http://hk.ketchup.nextmedia.com/images/next-photos/ketchup/056/640pixfolder/K856-148N/38.jpg[/img]
冇PS3都有得玩！
冇PS3又想體驗《MGS4》，不如上佢官網玩，上面有3個射擊mini game ，播片係跟足PS3版，不單可止咳，勝出仲可以儲分數換wallpaper ！
http://www.konami.jp/mgs4/
[img]http://hk.ketchup.nextmedia.com/images/next-photos/ketchup/056/640pixfolder/K856-148N/39.jpg[/img]
少做少錯 秋葉原活動取消！
上星期發生秋葉原殺人事件後，Konami 忽然取消東京所有《MGS4》宣傳活動，其實當然包括game 界勝地秋葉原啦！其實Konami 咁做都醒目，話晒蛇伯用刀仔殺人，點都會令人聯想起唔開心嘅事。
《Metal Gear Solid 4》
頁:
[1]
