忘憂稅月 上網搵政府稅務易
[img]http://hk.ketchup.nextmedia.com/images/next-photos/ketchup/054/640pixfolder/K854-108J/op1.jpg[/img]提提大家，上個月收到嘅稅單，如果大家仲未報稅的話，話你知，其實已經過晒期（6月2日前報稅）！點算？
其實只要登上政府網頁，經「稅務易」以電子方式報稅，就可以寬限至7月2日，仲未過期。加上電子方式夠方便，填錯資料要改都好簡單，最好係有「評稅計算機」立即計出所繳款項，有晒預算就幫到自己預留金錢到明年1月交稅，我從未試過用「稅務易」電子報稅都立即學識仲教到大家，不妨試吓。
[img]http://hk.ketchup.nextmedia.com/images/next-photos/ketchup/054/640pixfolder/K854-108J/scan01.jpg[/img]
忘記報稅先罰$600
唔係嚇你，筆者身邊大把人唔記得報稅，隨便問吓身邊人都借到張「漏報通知書」。這張通知書列明截至07年9月20日為止，仍未收到06/07年度之報稅表，勒令發出日起6星期內簽妥同意回條、呈上報稅表及繳交罰款$600，未交稅先罰$600，你話係咪慘！若無合理解釋而仍未交上報稅表，最高罰款為$10,000及年度稅款之3倍。所以呢3版內容咪揭完就算，除非你毋須交稅，但收唔到稅單亦不要懶懶閒，後頁話你知點解。
其實唔記得報稅，稅局會於7月份左右以信函提你當局仲未收到報稅表，假如仲係唔理至會搞到罰款咁大鑊。
[img]http://hk.ketchup.nextmedia.com/images/next-photos/ketchup/054/640pixfolder/K854-108J/301.jpg[/img]
稅務易網址：[url]http://www.ird.gov.hk[/url]
申請稅務易10秒搞掂
講你都唔信，政府做事有咁嘅效率的確抵讚。只要登入稅務易網站，輸入身份證號碼及稅單右上角的稅務編號（TIN ）就搞掂。2個工作天後，稅局自會郵寄稅務易的「通行密碼」到閣下通訊地址（即報稅表所寄地址）收到密碼就可以立即行動。
申請時要留意部電腦支唔支援JAVA Standard Edition 6，唔支援都唔緊要，網址會帶你去下載更新，放心。
終生編號 稅月無憂
申請稅務易最大好處理係擁有一個終生編號，方便自己以後報稅或交稅，登記好聯絡電郵後又會提你交稅，雖然好多人好憎稅局又怕收到一切稅局函件，但既然避無可避，學識申請咪當盡公民責任咋。收到稅務易的通行密碼後，就進行以下步驟，電子報稅。
[img]http://hk.ketchup.nextmedia.com/images/next-photos/ketchup/054/640pixfolder/K854-108J/103.jpg[/img]
Step1
在稅務易主頁按「登入」，之後輸入報稅表右上角的稅務編號及稅務易通行密碼。
[img]http://hk.ketchup.nextmedia.com/images/next-photos/ketchup/054/640pixfolder/K854-108J/105.jpg[/img]
Step2
你可以自訂一個8-16個位的新稅務編號或沿用本來的編號，再自訂一個新密碼，當然一切保安為上，咪用易記或容易讓人察覺的密碼。
[img]http://hk.ketchup.nextmedia.com/images/next-photos/ketchup/054/640pixfolder/K854-108J/106.jpg[/img]
Step3
循例加入密碼提示，此外便是聯絡電郵及電話，方便稅局通知報稅、交稅或其他相關事宜。
[img]http://hk.ketchup.nextmedia.com/images/next-photos/ketchup/054/640pixfolder/K854-108J/107.jpg[/img]
Step4
這時就要決定以後收唔收稅局郵件或全部交由電子方式處理，我份人穩陣啲，照收，你鬧我唔環保都係咁話。
[img]http://hk.ketchup.nextmedia.com/images/next-photos/ketchup/054/640pixfolder/K854-108J/109.jpg[/img]
Step5
登記完成，網頁會詳列所有已登記資料，最好立即列印一張作備份，以策萬全。
[img]http://hk.ketchup.nextmedia.com/images/next-photos/ketchup/054/640pixfolder/K854-108J/op2.jpg[/img]
收唔到報稅表都要自首
呢個又係真實例子，好多打工仔收唔到報稅表，就以為自己僥倖逃離稅局「魔掌」，咁諗就錯晒，個人免稅額得$10萬零8千，唔計供養父母、供樓利息、強積金等扣稅額，月入多過$9,000已經要交稅，低過此人工尚可大安旨意，高於此人工但收唔到報稅表的人大有人在，例如筆者同事，5年冇收過報稅表就得過且過，仲聽阿媽講話「hea 」住先，結果今年收到稅局一次過追討5年稅款加罰款，成班同事笑到眼淚水崩堤，睇《Ketchup 》有呢度好，細心照顧讀者。
計到盡 必用課稅計算器
無論是否採用電子方式報稅，上稅務通的另一大好處係可以立即計算稅款，因為識得靈活運用扣稅額，係可以慳到唔少稅款。假設兄妹2人有有55歲及60歲以上父母2人，這兄妹共有$6萬及$3萬供養父母免稅額，如何分配的關鍵便要靠網上計算器試出不同組合的結果，所以使用計算器可謂不能不識！
[img]http://hk.ketchup.nextmedia.com/images/next-photos/ketchup/054/640pixfolder/K854-108J/2201.jpg[/img]
a 總入息包括全年總薪金或其他入息，以此為基礎來計算稅款。
b 因工作需要的特殊開支如電話費（證明非私人使用）、交通費（返工放工不算）都可以扣稅。
c 個人進修開支及認可慈善捐款需要保留單據以茲證明，並有義務保留7年以作需要時翻查。
d 強積金供款屬免稅支出，但很多人忘記了此項扣稅，所有打工仔記得填番。
e 有供樓又可以將按揭利息扣稅，每人一生有10次使用限額，如有供樓，銀行每年都會寄回供樓利息總額作報稅用。
f供養父母這一項非常關鍵，記得問清楚父母夠歲數未。而該父母之免稅額只供一人使用，獨生子女當然可以用盡，有兄弟姊妹就要視乎配額留給何人使用。
恭喜！你唔使交稅！
[img]http://hk.ketchup.nextmedia.com/images/next-photos/ketchup/054/640pixfolder/K854-108J/204.jpg[/img]
評稅結果
按「計算」之後，立即詳列所有收入及扣稅項目，連稅額都計埋畀你睇，依剛才示範，稅款係零，勁羨慕。假如要付款的話，亦要記住交稅係要交埋預繳稅，即將金額乘2，計到要畀$5,000稅，連預繳即係共交$1萬，咪失預算。
[img]http://hk.ketchup.nextmedia.com/images/next-photos/ketchup/054/640pixfolder/K854-108J/Untitled-1.jpg[/img]
計算扣稅組合示範：
例：兄年薪$30萬、妹年薪$15萬、父60歲（$6萬免稅額）、母55歲（$3萬免稅額）
由此可見，哥哥盡用父母扣稅額比讓給妹妹使用的總交稅額慳$13,640，慳到的錢幫妹妹交埋$940稅都仲有$12,700剩，唔用計算器計過都唔知慳得咁勁！
最後提提你，登記了稅務易都可以返轉頭，可於辦公時間內致電25945199安排取消「稅務易」帳戶，重投傳統方式。
頁:
[1]
