上門幫狗狗扮靚靚
主人帶貓狗去美容院扮靚，最擔心寵物遭人粗暴對待，扮靚不成反而搞到周身傷，真係心痛死！依家有不少寵物美容師會上門為貓狗沖涼剪毛，主人可從旁睇實，放心多了。《忽周》從寵物網的網友推介中，挑選了兩位口碑不俗的上門寵物美容師作測試，直擊他們替寵物美容的過程。[b]先逗玩傾偈才下剪[/b]近年興起上門寵物美容，很多貓狗主人會約美容師上門為愛犬愛貓扮靚。做咗寵物美容師5年的Tracy ，booking 經常排得密密麻麻，她受歡迎的原因，除了對寵物有愛心和細心外，最重要是剪工一流，尤其貴婦狗剪得最好，而她的客戶亦以貴婦狗為主。本刊上周直擊她上門為寵物美容過程。
這天Tracy 要替一頭貴婦犬花花沖涼和剪毛。花花的毛髮不算長，但為keep 住可愛貴婦look ，主人Maggie 經常找Tracy 為牠修剪。開始前，Tracy 先逗花花玩一會，替她沖涼時又不斷跟牠傾偈，好讓花花心情放鬆，而牠亦顯得很受落，乖乖讓Tracy 為牠修剪扮靚。剪毛過程中，Tracy 會拿出不同的剪刀，一下一下細心替花花修剪，將頭、腳的毛髮都剪成圓碌碌的，非常可愛。
Tracy 說：「貴婦狗係需要經常修剪的狗種，亦最講究修剪技巧。好多狗主要求我為她的貴婦狗剪到圓碌碌，好似個公仔咁先夠cute ，呢啲係要用手逐下逐下剪，唔可以用剷毛的方法，所以要落好多心機。如果佢啲毛髮打結，要花多啲時間解結才可修剪。」Tracy 替寵物剪毛最少花上兩個半小時，慢工出細貨是有道理的。
[b]狗主Maggie ：待狗細心剪工好！[/b]
花花的主人Maggie 每兩星期便會約Tracy 替花花沖涼及剪毛，她大讚Tracy 既細心又剪得好，「最初養花花時帶佢到寵物店美容，但聽過朋友的寵物俾人粗魯對待，又怕佢係陌生地方唔習慣，後來經朋友介紹搵Tracy 上門剪毛。花花初時同佢唔熟，唔多理睬，Tracy 就會同佢玩一陣，消除花花的陌生感，之後才沖涼同剪毛。依家Tracy 一進門口，花花就興奮得不斷吠。
「初時我都會睇住Tracy 剪，依家我已經完全放心，佢好細心，會一邊幫花花沖涼，一邊同佢傾偈。」
[b]Tracy 小檔[/b]
擅長剪：貴婦狗、史納莎
收費：狗──沖涼$220-$400、沖涼加剪毛$290-$500
貓──沖涼$270起、沖涼加剪毛$340
時間：11am-8pm （逢星期日、一休息）
預約：約2個月，現時booking 排至7月初
查詢：82082002
[b]雙人組合對付百厭狗[/b]
若家中的小狗本身很乖，找Tracy 這類寵物美容師當然最好，但若狗狗屬百厭一族，就另有竅門，必須找二人組合的上門美容師。阿Ming 和拍檔阿融便屬這類，兩個人四隻手齊齊服侍貓狗，既省時間又易於控制牠們。記者跟隨他們到九龍塘的史納莎阿妹的家，親睹他們齊心合作的美容過程。兩人攜帶的工具非常多，包括大型吹風機、3把絞剪及掃把等，載滿了兩個旅行袋。
剪毛過程在天台進行，開始前，阿Ming 和阿融先替阿妹梳毛、剪腳甲，沖涼後就是剪毛及修型。過程中，只要剪到面的位置，阿妹就顯得不耐煩，不斷fing 頭，阿融負責按住牠的頭以固定牠，讓阿Ming 可以進行修剪，期間兩人更合作無間，由阿融剪前腳的毛，阿Ming就剪後腳的，因此效率非常高，只消個半小時就完成，將阿妹變成可愛的模樣。
「兩個人做唔單止快啲，若遇上難搞嘅貓狗，好似西施狗、北京狗，可以一人負責控制佢，一個負責修剪，試過替一隻狗剪毛時佢想咬我，好彩阿融看到立即捉住佢，否則我可能受傷，狗主亦有麻煩。」
[b]記者測試：合作純熟剪得靚！[/b]
記者曾帶愛犬貴婦狗到寵物店美容後，出現耳朵發炎，令我十分心痛。為免狗狗再次受到不善對待，這次便找阿Ming 和阿融上門為狗狗剪毛。修剪過程中，兩人的表現相當細心，又合作純熟地一下一下為牠修出圓碌碌的貴婦狗獨有可愛look 。整個過程很流暢順利，亦令我感覺安心又方便，日後我也會繼續找上門美容服務。
[b]上門美容沖涼液自備[/b]
請狗狗美容師上門美容，主人都要預備一些物品，包括寵物用開的沖涼液、毛巾，此外，家中最好有花灑及枱，讓美容師沖涼及剪毛時更方便。
[b]Catsgod[/b]
擅長剪：貴婦狗、史納莎、北京狗、西施狗
收費：狗──沖涼$150-$480、沖涼加剷毛$280-$680、沖涼加手剪$320-$780
貓──沖涼$300-$380、沖涼加剪毛$500
**另按地區加收車費及停車場用
預約：約一星期前
時間：10am-8pm （逢星期日休息）
查詢：97710055
[b]其他上門寵物美容服務[/b]
Home Pet Grooming Service
收費：狗──沖涼$200-$350、沖涼加剪毛$270-$500
貓──沖涼$250起、沖涼加剪毛$350起
查詢：90122566
Angel Pet Pet Beauty Grooming Service
收費：狗──沖涼$120-350、沖涼加剪毛$220-$600
貓──沖涼$280-$340、沖涼加剪毛$460-$570
查詢：97556555
[img]http://hk.face.nextmedia.com/images/next-photos/SuddenWeekly/668/640pixfolder/A668-005N/x_N6Z5396A.jpg[/img]
[img]http://hk.face.nextmedia.com/images/next-photos/SuddenWeekly/668/640pixfolder/A668-005N/x_N6Z5410.jpg[/img]
Tray 美容工具包括有風筒，洗耳劑、鏟及3把鉸剪，相當齊全。
[img]http://hk.face.nextmedia.com/images/next-photos/SuddenWeekly/668/640pixfolder/A668-005N/x_N6Z5442.jpg[/img]
首先Tracy 會替狗狗剪腳甲，之後更會用指甲鋤為牠磨平腳甲。
[img]http://hk.face.nextmedia.com/images/next-photos/SuddenWeekly/668/640pixfolder/A668-005N/x_N6Z5473.jpg[/img]
然後會用花灑為狗狗沖涼。
頁:
[1]
