訂價178名不符實的日航宵夜buffet
本人日前16/5前往雜誌介紹的日航宵夜buffet。邊本雜誌本人回想中,因為內容介紹有即開生蠔及三文魚刺身, 因為未曾有過一間宵夜buffet有即開生蠔甘重本攪噱頭,所以引起嗜蠔的我試一試。點知......而家連該本雜誌都想一齊投訴。一去到未見生蠔出現已經心知不妙,一問經理,回應係從未打算出生蠔buffet,只主打日式美食。oh no.....莫非我睇錯報道.....
不過178一位無蠔都唔會差得去邊卦,日航甜品都好出名,心想可以抵銷甘貴啦。
值得推介.....唔好去食的理由
熱食︰
1/ oden,無煮法技巧可言,都煮得好難食,尤其係蘿蔔,未食過甘硬身的,自己打邊爐都可以入口,佢地個d又無味,日本7仔好味過。
2/海鮮粥,由底撈起,只得幾只蜆肉,好彩都有少量蝦蝦,同魚塊。無味,加左胡椒粉就有味,不過係胡椒味。
3/吞拿魚漢堡,又係無味,只可以說是飽肚,其實係〝雅〞胃。
4/即做日式拉麵,叉燒居然係本地叉加油菜心,同時可以加日式海鮮,不過海鮮係白色一片片粉紅打圈的魚旦及一絲絲的蟹柳,仲有好多配菜︰蔥,荀等。本人感覺唔到有日式feel,所以無興趣試。
5/終於有蠔出,係芝士焗蠔卦(連蠔殼焗),冚上面個d一心想是芝士, 有酥炸蝦個感覺,但無味,蠔仔細細。
6/最搵笨係聲稱海膽醬豆腐....食唔出係海膽羅,豆腐可以唔滑
7/猪柳﹑蠔卷﹑麵豉湯﹑日式雞扒,牛利﹑海鮮水晶糕.....全部無酒店水準可言。出面普通餐廳都差不多。
8/魚生飯,d飯好硬
9/三文魚刺身,唔係即切,放係open area,好不衛生,此外無其他刺身可選,亦無壽司
重點︰甜品
1/小cake,以為外表係日本賣相,但原來係美心口味,只得四款揀
2/芝士蛋糕同出面餐廳無分別,無驚喜,又係得三款揀,好似無甘多添,忘記了。
3/綠茶紅豆班戟﹐超級難食,個塊班戟真係唔似樣,離譜,硬﹑無味,綠茶味梗係食唔出啦一個字劣。係全晚食物中最劣。
4/生果壽司,唔係賣點,賣相唔討好,好心唔好羅出泥獻世,生果片唔新鮮,無特別
5/楊之甘露,稠到難以入口,好似成篤啖放入口,無西柚肉,無芒果味,但又有芒果肉播。
6/金汨紅豆糕,又係粉團一樣,難入口
7/連最後包咖啡或茶個杯檸檬茶都無茶味。又細杯。
初初諗住2個鐘唔夠食,點知食左45分鐘已經想走人,大失所望。最後待應每台放底問卷,我即刻遲走,留底寫左十分鐘投訴。這樣的水準食物難登大雅之堂,仲收178加一服務,我提議只能訂價為78-88以下。所以本人食評用上〝劣〞字收尾。希望佢地作日後檢討。 十宗罪有多.........有冇影相:smilies38: ....差成咁, 最慘一心諗住食的就冇:smilies34:
不如大家幫幫手 找找到底係邊本雜誌誤導人
影相都無用, 你感受唔到佢難食嘛。 佢地賣相係好好多架。我見有台一行3人的女仔, 佢地好興奮地邊食邊影相。此時此刻 真想行埋去查問佢地對食物質素是否滿意。又或者查問佢地點填張意見表。
不如大家幫幫手 找找到底係邊本雜誌誤導人。因我呢排睇左好多雜誌介紹各種美食 已經混淆左唔記得邊本提過了。好想查明真相。究竟是否有提到即開生蠔。暫時本人記憶中睇過人地本u magazine, 不過係上期。近三期飲食男女都查過 無提。 通常雜誌講的都不能盡信
我就會去OPENRICE去看看別人的評價而決定的
雖然做假的機會唔係無，但總好過報紙雜誌上的資料呢
日航在上世紀時，我都覺得十分好食
但今年新年時去返，都覺得質素下降
我仲要係晚餐時段去食
都食得唔高興
覺得唔值三百幾元
更何況是宵夜時段，一來通常好少食物可選擇
二來本身食物差，所以不論任何時段都唔會好得幾多
另外我都去過另一間馬可波羅食
都是三百幾元的
但仲差過日航
完全無食物可以吸引到我去食
反而日航都有呢
所以我不會再去呢Ｄ名不副實的酒店
:smilies34:
頁:
[1]
